പിന്നിലിരിക്കുന്നയാള്ക്ക് ഹെല്മെറ്റ് ഇല്ലെങ്കിലും ഡ്രൈവിങ് ലൈസന്സ് നഷ്ടമാകും
ഇരുചക്ര വാഹനത്തിൽ ഡ്രൈവ് ചെയ്യുന്ന ആൾക്ക് മാത്രമല്ല പിന്നിലിരിക്കുന്നയാള്ക്കും ഹെല്മെറ്റ് നിർബന്ധം ..പിന്നിലിരിക്കുന്ന ആൾക്ക് ഹെൽമെറ്റ് ഇല്ലെങ്കിലും വാഹനം ഓടിക്കുന്നയാളിന്റെ ഡ്രൈവിങ് ലൈസന്സ് നഷ്ടമാകും. കേന്ദ്ര മോട്ടർ വാഹന നിയമത്തിലെ പുതിയ ഭേദഗതി പ്രകാരം ലൈസന്സിന് അയോഗ്യത കല്പിക്കാനുള്ള അധികാരം ഉദ്യോഗസ്ഥര്ക്കുണ്ടെന്ന് ട്രാന്സ്പോര്ട്ട് കമ്മിഷണര് എം.ആര്.അജിത്കുമാര് വാർത്താക്കുറിപ്പിൽ അറിയിച്ചു
ഹെൽമെറ്റ് ധരിക്കാത്തവർക്ക് കേന്ദ്ര നിയമത്തില് 1000 രൂപയാണ് പിഴ നിശ്ചയിച്ചിരിക്കുന്നത്. എന്നാൽ കേരളത്തിൽ അത് 500 രൂപയായി സംസ്ഥാന സര്ക്കാര് കുറച്ചിരുന്നു. എന്നാല് മൂന്നു മാസത്തേക്ക് ഡ്രൈവിങ് ലൈസന്സ് സസ്പെന്ഡ് ചെയ്യാനുള്ള വ്യവസ്ഥ പിന്വലിച്ചിട്ടില്ല. പിഴ അടച്ചാലും ലൈസന്സ് സസ്പെന്ഡ് ചെയ്യാനും ഡ്രൈവര് റിഫ്രഷര് കോഴ്സിന് അയയ്ക്കാനും കഴിയും.
ഈ വ്യവസ്ഥകള് മലപ്പുറം ജില്ലയിലെ പെരിന്തല്മണ്ണയില് നടപ്പാക്കിയപ്പോള് ഹെല്മെറ്റ് ഉപയോഗിക്കുന്നവരുടെ എണ്ണം വര്ധിക്കുകയും അപകട മരണനിരക്ക് 40% കുറയുകയും ചെയ്തുവെന്നും ട്രാന്സ്പോര്ട്ട് കമ്മിഷണര് അറിയിച്ചു.
https://www.facebook.com/Malayalivartha
