അനുഭവിച്ചത് തീരാദു:ഖം... ഇടപ്പള്ളിയിലെ ഫ്ളാറ്റില് തൂങ്ങി മരിച്ച നിലയില് കണ്ടെത്തിയ ട്രാന്സ്ജെന്ഡര് അനന്യ കുമാരി അലക്സ് അനുഭവിച്ചത് തീരാവേദന; ദിവസവും മാറ്റുന്നത് പന്ത്രണ്ടോളം പാഡുകള്, വജൈന വെട്ടിക്കീറിയതു പോലെ; ശസ്ത്രക്രിയയ്ക്ക് പിന്നാലെ അനുഭവിച്ച ദുരിതത്തെക്കുറിച്ച് അനന്യ പറഞ്ഞത്
പെണ്ണായി ജീവിക്കാന് കൊതിച്ച ട്രാന്സ്ജെന്ഡര് റേഡിയോ ജോക്കിയും അവതാരകയുമായ അനന്യ കുമാരി അലക്സ് നേരിട്ടത് കൊടിയ വേദന. ലിംഗമാറ്റ ശസ്ത്രക്രിയയെ തുടര്ന്നുണ്ടായ ശാരീരിക ബുദ്ധിമുട്ടുകള് പറഞ്ഞാല് തീരാത്തത്.
ഇടപ്പള്ളിയിലെ ഫ്ളാറ്റില് തൂങ്ങി മരിച്ച നിലയില് കണ്ടെത്തിയ അനന്യ കുമാരി അലക്സ് ലിംഗമാറ്റ ശസ്ത്രക്രിയക്ക് പിന്നാലെ അനുഭവിച്ചത് തീരാദുരിതമെന്ന് റിപ്പോര്ട്ട്. മരണത്തിന് മുമ്പ് നല്കിയ അഭിമുഖത്തിലാണ് അനന്യ തനിക്ക് നേരിടേണ്ടി വന്ന ഗുരുതരമായ ശാരീരിക പ്രശ്നങ്ങള് വിവരിച്ചത്.
2020 ജൂണിലായിരുന്നു സ്വകാര്യ ആശുപത്രിയില് അനന്യ ലിംഗമാറ്റ ശസ്ത്രക്രിയ നടത്തിയത്. എന്നാല്, ഒരു വര്ഷം കഴിഞ്ഞിട്ടും ഗുരുതര ആരോഗ്യ പ്രശ്നങ്ങളാണ് നേരിട്ടത്. ദിവസം പന്ത്രണ്ട് പ്രാവശ്യം പാഡ് മാറ്റേണ്ടിവരും. വജൈന വെട്ടിമുറിച്ചതുപോലെയാണ്. മൂത്രം പിടിച്ചുവെക്കാന് കഴിയില്ല. മൂത്രം പോകുന്നതും പലവഴിക്കാണെന്ന് അനന്യ അഭിമുഖത്തില് പറയുന്നു.
റിനൈ മെഡിസിറ്റിയിലാണ് ലിംഗമാറ്റ ശസ്ത്രക്രിയ നടത്തിയത്. രണ്ടുലക്ഷത്തി അമ്പത്തിയഞ്ചു രൂപയോളം ചെലവായി. കുടലില് നിന്ന് ഒരു ഭാഗം എടുത്ത് യോനി നിര്മിക്കുന്ന രീതിയിലായിരുന്നു സര്ജറി. ഇത് കഴിഞ്ഞ് വീട്ടിലെത്തിയ ഉടന് തന്നെ പ്രശ്നങ്ങള് തുടങ്ങി. വീണ്ടും അതേ ആശുപത്രിയില് പ്രവേശിപ്പിച്ചു. വീണ്ടും വയറൊക്കെ കുത്തിക്കീറി സര്ജനറി നടത്തി. വെട്ടിമുറിച്ച പോലെയായിരുന്നു വജൈന ഉണ്ടായിരുന്നത്.
ശസ്ത്രക്രിയക്ക് ശേഷം തനിക്ക് ജോലി ചെയ്യാനോ ചുമക്കാനോ തുമ്മാനോ കഴിയാത്ത അവസ്ഥയായിരുന്നു അനന്യ പറയുന്നു.
അനന്യയുടെ മരണത്തില് അന്വേഷണം വേണമെന്ന് ആവശ്യപ്പെട്ട് ട്രാന്സ് ജെന്ഡര് കൂട്ടായ്മ രംഗത്തെത്തിയി. റെനെ ആശുപത്രിയിലെ ഡോക്ടറുടെ പിഴവാണ് മരണകാരണമെന്ന് ഇവര് ആരോപിക്കുന്നു.അതേസമയം, അനന്യകുമാരിയുടെ ആത്മഹത്യയുമായി ബന്ധപ്പെട്ട വിവാദത്തില് വിശദീകരണവുമായി റെനൈ മെഡിസിറ്റി രംഗത്തെത്തി. അനന്യ ആരോപിച്ചത് പോലുള്ള പിഴവ് ചികിത്സയില് സംഭവിച്ചിട്ടില്ലെന്നും ആരോഗ്യപ്രശ്നങ്ങളൊന്നുമില്ലെന്ന് കണ്ടെത്തി അത് അനന്യയെ ബോദ്ധ്യപ്പെടുത്തുകയും ചെയ്തതാണെന്നും റിനൈ മെഡിസിറ്റി വിശദീകരണ കുറിപ്പില് വ്യക്തമാക്കി.
അതേസമയം ട്രാന്സ്ജെന്ഡര് അനന്യ കുമാരി അലക്സിന്റെ മരണവുമായി ബന്ധപ്പെട്ട വിഷയത്തില് അടിയന്തര അന്വേഷണം നടത്താന് ആരോഗ്യ വകുപ്പ് ഡയറക്ടര്ക്ക് ആരോഗ്യ വകുപ്പ് മന്ത്രി വീണാ ജോര്ജ് നിര്ദേശം നല്കി. ഇതുസംബന്ധിച്ച് ട്രാന്സ്ജെന്ഡര് സംഘടനയും പരാതി നല്കിയിരുന്നു. ലിംഗമാറ്റ ശസ്ത്രക്രിയകളുമായി ബന്ധപ്പെട്ടുള്ള വിഷയങ്ങളെപ്പറ്റി പഠിക്കാന് വിദഗ്ധ സമിതി രൂപീകരിക്കുമെന്നും മന്ത്രി അറിയിച്ചു.
കേരളത്തിലെ ആദ്യ ട്രാന്സ്ജെന്ഡര് റേഡിയോ ജോക്കിയായ അനന്യകുമാരിയെ കഴിഞ്ഞ ദിവസം വൈകിട്ടാണ് കൊച്ചി ഇടപ്പള്ളിയിലെ ഫ്ളാറ്റില് തൂങ്ങി മരിച്ച നിലയില് കണ്ടെത്തിയത്. അടുത്തിടെ നടത്തിയ ലിംഗമാറ്റ ശസ്ത്രക്രിയ പരാജയമായിരുന്നെന്നും ഇതിന്റെ മനോവിഷമമാണ് ആത്മത്യയിലേക്ക് നയിച്ചതെന്നുമാണ് സുഹൃത്തുക്കള് പറയുന്നത്. കൊല്ലം പെരുമണ് സ്വദേശിനിയായ അനന്യ ഏറെനാളായി കൊച്ചിയിലെ ഫ്ലാറ്റിലായിരുന്നു താമസം.
മലപ്പുറം ലോക്സഭാ ഉപതിരഞ്ഞെടുപ്പില് ഡെമോക്രാറ്റിക് സോഷ്യല് ജസ്റ്റിസ് പാര്ട്ടി സ്ഥാനാര്ത്ഥിയായി നാമനിര്ദേശ പത്രിക സമര്പ്പിച്ചതോടെയാണ് അനന്യ കൂടുതല് ശ്രദ്ധിക്കപ്പെട്ടത്. മേക്കപ്പ് ആര്ട്ടിസ്റ്റ്, അവതാരക എന്നീ മേഖലകളില് പ്രവര്ത്തിച്ചിട്ടുണ്ട്.
https://www.facebook.com/Malayalivartha
