നെയ്യാറ്റിന്കരയിലെ വെള്ളി ആഭരണക്കടയില് സ്കൂള് യൂണിഫോമിട്ടെത്തിയ പെണ്കുട്ടി പണം കവര്ന്നു കടന്നു.....കടയിലുണ്ടായിരുന്ന ആള് ഉറങ്ങിക്കിടക്കവേയാണ് സംഭവം, പെണ്കുട്ടി മാസ്ക് ധരിച്ചിരുന്നതിനാല് മുഖം വ്യക്തമല്ല, അന്വേഷണം ഊര്ജ്ജിതമാക്കി പോലീസ്
നെയ്യാറ്റിന്കരയിലെ വെള്ളി ആഭരണക്കടയില് സ്കൂള് യൂണിഫോമിട്ടെത്തിയ പെണ്കുട്ടി പണം കവര്ന്നു കടന്നു..... കടയിലുണ്ടായിരുന്ന ആള് ഉറക്കത്തിലായിരുന്നപ്പോഴാണ് മോഷണം നടത്തിയത്. ഇന്നലെ രാവിലെ പതിനൊന്നരയോടെയായിരുന്നു സംഭവം നടന്നത്.
ബസ് സ്റ്റാന്ഡ് കവലയിലെ മൂകാംബിക സില്വര് പാലസിലാണ് മോഷണം നടന്നത്. പാന്റ്സും ഷര്ട്ടും ഓവര്കോട്ടുമിട്ട സ്കൂള് യൂണിഫോമിലെത്തിയ പെണ്കുട്ടി പണമെടുത്ത് മടങ്ങുന്നത് സി.സി.ടി.വി. ദൃശ്യങ്ങളില് കാണാം. എണ്പത് വയസ്സ് പ്രായമുള്ള നാഗപ്പന്നായര് എന്നയാളും മറ്റൊരു ജീവനക്കാരനായ ഷാജിയുമാണ് കടയില് ഉള്ളത്. ഷാജി ബാങ്കില് പോയ സമയത്താണ് പെണ്കുട്ടി സില്വര് പാലസിലെത്തിയത്.
പെണ്കുട്ടിയെത്തുമ്പോള് നാഗപ്പന്നായര് കടയിലിരുന്ന് ഉറങ്ങുകയായിരുന്നു. തുടര്ന്ന് പെണ്കുട്ടി കടയിലെ പണം സൂക്ഷിക്കുന്ന ഡ്രോയര് തുറന്ന് ബാഗ് കൈയിലെടുത്ത് പുറത്തിറങ്ങി.
ബാഗില് കടയുടെ താക്കോല് മാത്രമാണുണ്ടായിരുന്നത്. തുടര്ന്ന് വീണ്ടും കടയില് കയറി ഡ്രോയര് തുറന്ന് റബ്ബര്ബാന്ഡ് ഇട്ടുവെച്ചിരുന്ന 21,180 രൂപയുമെടുത്ത് ബസ് സ്റ്റാന്ഡിലേയ്ക്ക് നടന്നുപോകുകയായിരുന്നു.
ബാങ്കില് പോയിരുന്ന ഷാജി തിരികെയെത്തി മേശ തുറന്നു നോക്കുമ്പോഴാണ് പണം നഷ്ടമായ വിവരം അറിയുന്നത്. തുടര്ന്ന് ജൂവലറിയിലെ സി.സി.ടി.വി. ക്യാമറയിലെ ദൃശ്യം പരിശോധിക്കുമ്പോഴാണ് സ്കൂള് യൂണിഫോമിട്ടെത്തിയ പെണ്കുട്ടി മോഷണം നടത്തിയ വിവരം അറിയുന്നത്.
നെയ്യാറ്റിന്കര പോലീസിനെ വിവരം അറിയിച്ചു. ഇവരെത്തി സി.സി.ടി.വി. ദൃശ്യങ്ങള് ശേഖരിച്ചു. മോഷണം നടത്തിയ പെണ്കുട്ടിയെ കുറിച്ച് അന്വേഷണം നടത്തിവരികയാണെന്ന് പോലീസ് വ്യക്തമാക്കി.
പെണ്കുട്ടി മാസ്ക് ധരിച്ചിരുന്നതിനാല് മുഖം വ്യക്തമല്ല, അ്ന്വേഷണം ഊര്ജ്ജിതമാക്കി പോലീസ്.
"
https://www.facebook.com/Malayalivartha
