പതിനഞ്ചാം നിയമസഭയുടെ അഞ്ചാം സമ്മേളനത്തിന് ഇന്ന് തുടക്കം.... രാഹുല് ഗാന്ധിയുടെ വയനാട്ടിലെ ഓഫീസിനു നേര്ക്കുണ്ടായ എസ്.എഫ്.ഐ അതിക്രമത്തിന്റെ പേരില് സംസ്ഥാനത്തെമ്പാടും കോണ്ഗ്രസ് പ്രതിഷേധം കടുപ്പിച്ചിരിക്കെ, ഇന്ന് തുടങ്ങുന്ന നിയമസഭാ സമ്മേളനം പ്രക്ഷുബ്ധമാകും
പതിനഞ്ചാം നിയമസഭയുടെ അഞ്ചാം സമ്മേളനത്തിന് ഇന്ന് തുടക്കം. രാഹുല് ഗാന്ധിയുടെ ഓഫീസ് അടിച്ചു തകര്ത്തതു മുതല് സ്വര്ണക്കടത്ത് കേസിലെ പ്രതി സ്വപ്നാ സുരേഷ് മുഖ്യമന്ത്രിക്കും കുടുംബത്തിനുമെതിരേ ഉന്നയിച്ച ആരോപണങ്ങള് വരെയുള്ള വിഷയങ്ങള് സഭയെ പ്രക്ഷുബ്ധമാക്കും.
തൃക്കാക്കര ഉപതെരഞ്ഞെടുപ്പില് റിക്കാര്ഡ് ഭൂരിപക്ഷത്തില് വിജയിച്ചതിന്റെ ആത്മവിശ്വാസത്തിലാവും പ്രതിപക്ഷം ഇന്ന് സഭയിലെത്തുക. സ്വര്ണക്കടത്ത് കേസില് സ്വപ്നാ സുരേഷ് ഉന്നയിച്ച ആരോപണങ്ങള്ക്ക് മുഖ്യമന്ത്രി സഭയില് എന്തു മറുപടി പറയും എന്നതായിരിക്കും പ്രതിപക്ഷത്തിന്റെ ശ്രദ്ധ.
രാഹുലിന്റെ ഓഫീസ് അടിച്ചു തകര്ത്തത് സംബന്ധിച്ച് സംഘപരിവാറിന്റെ അജണ്ടയാണ് സിപിഎം കേരളത്തില് നടപ്പാക്കുന്നതെന്ന ആരോപണം പ്രതിപക്ഷം ഇതിനോടകം ഉന്നയിച്ചു കഴിഞ്ഞു.
സ്വര്ണക്കള്ളക്കടത്ത് കേസിലെ പ്രതി സ്വപ്നയുടെ പുതിയ വെളിപ്പെടുത്തല് സൃഷ്ടിച്ച രാഷ്ട്രീയ കോലാഹലവും തൃക്കാക്കര ഉപതിരഞ്ഞെടുപ്പിലെ വന് വിജയവും സര്ക്കാരിനെ കടന്നാക്രമിക്കാന് യു.ഡി.എഫിന് ഊര്ജ്ജംപകരും.
മറുപക്ഷത്ത് പ്രതിരോധം തീര്ക്കാന് ഭരണപക്ഷവും ശ്രമിക്കും. സ്വപ്നയുടെ ആരോപണം മുഖ്യമന്ത്രിക്കെതിരായ ഗൂഢാലോചനയെന്ന വാദം ശക്തമായി ഉയര്ത്തും. വിമാനത്തില് മുഖ്യമന്ത്രിക്കെതിരെ നടത്തിയ പ്രതിഷേധവും ആയുധമാക്കിയേക്കും.
" f
https://www.facebook.com/Malayalivartha