ശമ്പളം കൊടുത്തിട്ട് തൊഴിലാളികളെ ചര്ച്ചയ്ക്ക് വിളിക്കൂ... കെഎസ്ആര്ടിസിയിലെ ശമ്പളവിതരണം വൈകുന്നതില് കടുത്ത അമര്ഷവുമായി ഹൈക്കോടതി
കെ.എസ്.ആര്.ടി.സി തൊഴിലാളി യൂണിയനുകളുമായി തൊഴില്ഗതാഗതമന്ത്രിമാര് ഇന്ന് നടത്തിയ ചര്ച്ചയില് തീരുമാനമായില്ല. കെഎസ്ആര്ടിസിയിലെ സാമ്ബത്തിക ഞെരുക്കം രൂക്ഷമായി തുടരുകയാണ്. ഈ സാഹചര്യം നിലനില്ക്കെ കെഎസ്ആര്ടിസിയിലെ ശമ്പളവിതരണം വൈകുന്നതില് കടുത്ത അമര്ഷമാണ് ഹൈക്കോടതി രേഖപ്പെടുത്തിയത്.
ശമ്പളം കൊടുത്തിട്ട് തൊഴിലാളികളെ ചര്ച്ചയ്ക്ക് വിളിക്കൂവെന്ന് ഹൈക്കോടതി പറഞ്ഞു. ഡ്യൂട്ടി പരിഷ്കരണത്തില് കോടതി തീരുമാനമെടുക്കുമെന്ന് ജസ്റ്റിസ് ദേവന് രാമചന്ദ്രന് വ്യക്തമാക്കി. കെ.എസ്.ആര്.ടിസിയുടെ ആസ്തികള് ഉപയോഗപ്പെടുത്തിയെങ്കിലും തൊഴിലാളികള്ക്ക് ശമ്പളം നല്കണം.
ശമ്പളം ഉറപ്പാക്കണമെന്നാവശ്യപ്പെട്ടുള്ള കെ.എസ്.ആര് ടി.സി ജീവനക്കാരുടെ ഹര്ജി പരിഗണിക്കുമ്പോഴായിരുന്നു കോടതിയുടെ പരാമര്ശം. ഹര്ജി ഈ മാസം 24 ന് വീണ്ടും പരിഗണിക്കും. 90% തൊഴിലാളികള്ക്കും ജൂലൈ മാസത്തെ ശമ്ബളം ലഭിച്ചിട്ടില്ല. ശമ്ബള കാര്യത്തില് ഹൈക്കോടതിക്ക് നല്കിയ വാക്ക് പാലിക്കാന് ആവാത്ത മാനേജ്മെന്റിനേയും സര്ക്കാരിനെയും രൂക്ഷമായ ഭാഷയിലാണ് കോടതി കഴിഞ്ഞ ദിവസം വിമര്ശിച്ചത്.
ജൂലൈ മാസത്തെ ശമ്ബളം നല്കാനായി 10 ദിവസം കൂടി സാവകാശം വേണമെന്നാവശ്യപ്പെട്ട് ഇക്കഴിഞ്ഞ ബുധനാഴ്ച്ച കെ എസ് ആര് ടി സി സത്യവാങ്മൂലം സമര്പ്പിച്ചിരുന്നു.അതും പാലിക്കാത്ത സാഹചര്യത്തിലാണ് കോടതിയുടെ ഇന്നത്തെ രൂക്ഷ വിമര്ശനം
12 മണിക്കൂര് സിംഗിള് ഡ്യൂട്ടി നടപ്പാക്കുന്നതില് യൂണിയനുകളുമായി സമവായത്തിലെത്താനായില്ല. 60 വര്ഷം മുന്പത്തെ നിയമം വെച്ച് സിംഗിള് ഡ്യൂട്ടി സമ്ബ്രദായം നടപ്പാക്കാന് സമ്മതിക്കില്ലെന്ന് യൂണിയനുകള് അറിയിച്ചു. 8 മണിക്കൂര് കഴിഞ്ഞു ബാക്കി സമം ഓവര്ടൈമായി കണക്കാക്കി വേതനം നല്കണമെന്ന നിര്ദേശത്തിലും തീരുമാനമായില്ല.
യൂണിയന് നേതാക്കള്ക്ക് സ്ഥലംമാറ്റമുള്പ്പടെയുള്ളവയില് നിന്നുള്ള സംരക്ഷണം വെട്ടിക്കുറയ്ക്കാനുള്ള നീക്കവും പ്രതിഷേധത്തിലാണ്. നിലവില് 329 പേര്ക്കാണ് ഇത്തരത്തില് സംരക്ഷണമുള്ളത്. ശമ്ബളം കൃത്യമായി നല്കുന്നതിലും കാര്യമായ തീരുമാനങ്ങളുണ്ടായില്ല. നാളെ വീണ്ടും ചര്ച്ച നടക്കും.
https://www.facebook.com/Malayalivartha
