മറയൂരില് പതിമൂന്നുകാരിയെ പീഡിപ്പിച്ച കേസില് രണ്ടാനച്ഛന് 30 വര്ഷം തടവ് ശിക്ഷ വിധിച്ച് കോടതി
മറയൂരില് പതിമൂന്നുകാരിയെ പീഡിപ്പിച്ച കേസില് രണ്ടാനച്ഛന് 30 വര്ഷം തടവും ഒന്നരലക്ഷം രൂപ പിഴയും ശിക്ഷ. ഇടുക്കി അതിവേഗ കോടതിയാണ് കേസില് ശിക്ഷ വിധിച്ചത്. പീഡനത്തിനിരയായ പെണ്കുട്ടിക്ക് ഒരുലക്ഷം രൂപ നഷ്ടപരിഹാരമായി നല്കണമെന്നും കോടതി നിര്ദേശിച്ചിട്ടുണ്ട്. അമ്മയില്ലാത്ത സമയത്ത് വീട്ടില് വച്ച് കുട്ടിയെ ലൈംഗിക അതിക്രമത്തിന് ഇരയാക്കിയെന്നാണ് കേസ്.
രണ്ടാനച്ഛനായ യുവാവ് പെണ്കുട്ടിയെ നിരന്തരം പീഡിപ്പിച്ചെന്ന മൊഴിയെ തുടര്ന്നാണ് പൊലീസ് കേസെടുത്ത് പ്രതിയെ പിടികൂടിയത്. 13 കാരിയും അനുജത്തിയും കേസില് പ്രതിക്കെതിരേ മൊഴി നല്കിയിരുന്നു. വിചാരണയ്ക്കിടെ കുട്ടികളുടെ അമ്മ പ്രതിക്ക് അനുകൂലമായി കൂറുമാറി.
എന്നാല് പ്രതിക്കെതിരേ ചുമത്തിയ വിവിധ കുറ്റങ്ങള് സംശായതീതമായി തെളിയിക്കാന് കഴിഞ്ഞെന്ന് കണ്ടെത്തി കോടതി പ്രതിയെ ശിക്ഷിക്കുകയായിരുന്നു. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര് എസ് സനീഷ് ഹാജരായി.
https://www.facebook.com/Malayalivartha
