സീരിയൽ-സിനിമാ നടൻ ഉല്ലാസ് പന്തളത്തിന്റെ ഭാര്യ നിഷ(38) ആത്മഹത്യ ചെയ്തു. പത്തനംതിട്ട മല്ലശേരി സ്വദേശിയാണ് നിഷ. കുടുംബ പ്രശ്‌നങ്ങളെ തുടർന്നാണ് ആത്മഹത്യ എന്നാണ് വിവരം. നടനും ഭാര്യയും തമ്മിൽ വഴക്ക് പതിവായിരുന്നു എന്ന് പറയപ്പെടുന്നു.

കുട്ടികളുടെ നിലവളി കേട്ട് എത്തിയ അയൽക്കാർ കണ്ടത് തൂങ്ങി നിൽക്കുന്ന ആശയെയാണ്. നടൻ തന്നെയാണ് ആശയുടെ കെട്ടഴിച്ച് വാഹനത്തിൽ ആശുപത്രിയിലേക്ക് കൊണ്ടു പോയത്. കുടുംബ ജീവിതത്തിൽ നിരവധി പ്രശ്‌നങ്ങളുണ്ടായിരുന്നു എന്നാണ് അറിയാൻ കഴിയുന്നത്. ഉല്ലാസിന്റെ താളം തെറ്റിയ ജീവിതം ഭാര്യ നിഷ ചോദ്യം ചെയ്തതാണ് കുടുംബ പ്രശ്‌നങ്ങൾക്ക് കാരണം എന്ന് പറയപ്പെടുന്നു . നിഷ, വീട്ടമ്മയാണ്.രണ്ട് ആൺമക്കളാണ് ഇവർക്കുള്ളത് ഇന്ദുജിത്തും സൂര്യജിത്തും.

മിനി സ്‌ക്രീൻ പ്രേക്ഷകർക്ക് ഉല്ലാസ് പന്തളം സൂപ്പർ സ്റ്റാറാണ്. ഏഷ്യാനെറ്റിൽ സംപ്രേഷണം ചെയ്ത കോമഡി സ്റ്റാർസ് എന്ന പരിപാടിയിലൂടെയാണ് ചലച്ചിത്രരംഗത്ത് കടന്നുവരുന്നത്.വിശുദ്ധ പുസ്തകം,കുട്ടനാടൻ മാർപ്പാപ്പ,നാം, ചിന്ന ദാദ തുടങ്ങി 46ഓളം ചിത്രങ്ങളിൽ അഭിനയിച്ചിട്ടുണ്ട്.ടിവി ഷോകളിലെ സജീവ സാന്നിദ്ധ്യവുമാണ്.

കോമഡി പരിപാടിയിലൂടെയാണ് ശ്രദ്ധേയനായത്. ഇപ്പോൾ ഒട്ടുമിക്ക മലയാളം ചാനലുകളിലും കോമഡി അവതരിപ്പിക്കാൻ ഉല്ലാസുണ്ട്. കോൺഗ്രസിലും പന്തളം ഉല്ലാസ് സജീവമായിരുന്നു.