ഗവർണറെ പലകാര്യങ്ങളിൽ നിന്നും സർക്കാർ ഒഴിവാക്കി കൊണ്ടിരിക്കുകയാണ്. അതിൽ ഏറ്റവും പ്രധാനപ്പെട്ട ഒന്നാണ് ബജറ്റ് അവതരണത്തിൽ നിന്നും ഗവർണറുടെ നയ പ്രഖ്യാപന പ്രസംഗം ഒഴിവാക്കിയത്. എന്നാൽ കുറേക്കാലം ഗവർണറുടെ പ്രസംഗമില്ലാതെ മുന്നോട്ടുപോകാൻ സാധിക്കില്ല എന്നൊരു അവസ്ഥയാണ് ഇപ്പോൾ ഉള്ളത്. അതുകൊണ്ട് തന്നെ ഗവർണറുടെ നയ പ്രഖ്യാപന പ്രസംഗം ഉണ്ടാകണം.

പക്ഷേ അത് നീട്ടാനുള്ള ആലോചനകൾ നേരത്തെ തന്നെ സർക്കാർ തുടങ്ങിയതാണ്. ഇപ്പോൾ ഇതാ ഏറ്റവും പുതിയ വിവരം ഗവർണറുടെ നയപ്രഖ്യാപന പ്രസംഗം മെയ് മാസത്തിലേക്ക് നീട്ടാനാണ് സർക്കാരിന്റെ ഇപ്പോഴത്തെ പദ്ധതി.

ജനുവരി മാസത്തിൽ തന്നെ അതായത് പുതുവർഷത്തിന് ആരംഭത്തിൽ തന്നെ ആദ്യത്തെ ലെജിസ്‌ലേറ്റീവ് അസ്സംബ്ലി തുടങ്ങും. ഗവർണറുടെ നയ പ്രഖ്യാപന പ്രസംഗത്തോടെ തന്നെ ബജറ്റ് അവതിപ്പിക്കുകയും വേണം. പക്ഷേ സർക്കാരും ഗവർണറും തമ്മിലുള്ള പോരുകൾ നിലനിൽക്കുന്ന സാഹചര്യത്തിൽ ഗവർണറെ ഒഴിവാക്കാനാണ് സർക്കാർ ശ്രമിച്ചുകൊണ്ടിരിക്കുന്നത്.

തല്‍ക്കാലത്തേക്ക് നയപ്രഖ്യാപനം ഒഴിവാക്കാമെന്നല്ലാതെ സ്ഥിരമായി ഗവര്‍ണറെ മാറ്റിനിര്‍ത്താന്‍ സര്‍ക്കാരിനാവില്ല. വരുന്ന വര്‍ഷം എപ്പോള്‍ സമ്മേളനം പുതുതായി ചേര്‍ന്നാലും ഗവര്‍ണറുടെ നയപ്രഖ്യാപന പ്രസംഗം വേണ്ടിവരും . അതുകൊണ്ടാണ് ഇപ്പോൾ മെയിലേക്ക് നയപ്രഖ്യാപന പ്രസംഗം നീട്ടാനുള്ള കരു നീക്കങ്ങൾ നടത്തിക്കൊണ്ടിരിക്കുന്നത്.

ചാൻസിലർ സ്ഥാനത്ത് നിന്നും ഗവർണറെ മാറ്റുന്ന ബിൽ പാസ്സാക്കിയതിന് പിന്നാലെയായിരുന്നു വീണ്ടും ഗവർണറെ വെട്ടി സർക്കാർ ചടുലമായ നീക്കം സർക്കാർ നടത്തിയത്. ലെജിസ്ലേറ്റീവ് അസ്സംബ്ലി അനിശ്ചിതമായി പിരിഞ്ഞുവെന്ന കാര്യം ഔദ്യോഗികമായി ഗവർണറെ അറിയിക്കേണ്ടതില്ലെന്ന് വരെ ക്യാബിനറ്റ് യോഗത്തിൽ തീരുമാനിച്ചിരുന്നു.

അതേസമയം ഗവർണറുടെ നയപ്രഖ്യാപന പ്രസംഗത്തോടെ ഉള്ള ലെജിസിലിറ്റീവ് അസ്സംബ്ലി ഉണ്ടാകുമോ എന്ന ചോദ്യത്തിന് വ്യക്തമായ ഉത്തരം നൽകാൻ മുഖ്യമന്ത്രി പിണറായി വിജയനും തയ്യാറായില്ല എന്നതും ശ്രദ്ദേയമായ കാര്യമാണ് . ഗവർണർക്കുള്ള നയപ്രഖ്യാപന പ്രസംഗം തയാറായി വരികയാണെന്നും തയാറായ ശേഷം അതിനെക്കുറിച്ച് ആലോചിക്കാമെന്നും മുഖ്യ മന്ത്രി പറഞ്ഞു.ഈ സമ്മേളനത്തി‍ൽ നയപ്രഖ്യാപന പ്രസംഗം ഉണ്ടാകുമോ എന്ന ചോദ്യത്തിനും വ്യക്തമായ മറുപടി ഉണ്ടായില്ല.