പാലാ ബൈപ്പാസ് റോഡിൽ ബൈക്ക് നിയന്ത്രണം വിട്ട് പോസ്റ്റിൽ ഇടിച്ച് മറിഞ്ഞ് യുവാവിന് ദാരുണാന്ത്യം. പന്ത്രണ്ടാം മൈലിൽ മറ്റത്തിൽ നിഖിൽ കുമാർ ആണ് മരിച്ചത്.19വയസായിരുന്നു. കഴിഞ്ഞ ദിവസം വൈകിട്ട് 6മണിയോടെ ആയിരുന്നു അപകടം.

അപകടത്തെ തുടർന്ന് ഗുരുതര പരിക്കേറ്റ നിഖിലിനെ പാലാ ജനറൽ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. മറ്റക്കര ടോംസ് എഞ്ചിനീയറിംഗ് കോളേജ് വിദ്യാർത്ഥി ആയിരുന്നു നിഖിൽ.

പഠനത്തോടൊപ്പം പാലാ മുരിക്കുമ്പുഴയിൽ ഒരു വർക്ക്‌ഷോപ്പിൽ സഹായി ആയിട്ട് നിൽക്കുകയായിരുന്നു നിഖിൽ. ഇവിടെ നിന്ന് ബൈപ്പാസ് വഴി പാലാ ടൗണിലേക്ക് വരാവേയാണ് അപകടം ഉണ്ടായത്.