മനോഹരമായ താജ്മഹലിനെ നന്നായി പരിരക്ഷിക്കുയാണെങ്കില് കേന്ദ്രത്തിന്റെ വിദേശ വിനിമയ പ്രശ്നം തന്നെ പരിഹരിക്കപ്പെടും ; കേന്ദ്ര സര്ക്കാരിന്റെയും ഉത്തര്പ്രദേശ് സര്ക്കാരിന്റെയും ഉദാസീനതക്കെതിരെ രൂക്ഷ വിമര്ശനവുമായി സുപ്രീം കോടതി
താജ്മഹലിന്റെ സംരക്ഷണവുമായി ബന്ധപ്പെട്ട് കേന്ദ്ര സര്ക്കാരും ഉത്തര്പ്രദേശ് സര്ക്കാരും നടപടി സ്വീകരിക്കാത്തതില് രൂക്ഷ വിമര്ശനവുമായി സുപ്രീം കോടതി. ഒന്നുകില് സ്മാരകം അടച്ചു പൂട്ടുകയോ അല്ലെങ്കില് പൊളിച്ചുനീക്കുകയോ, പുനര്നിര്മിക്കുകയോ ചെയ്യണമെന്ന് കേന്ദ്രത്തോട് സുപ്രീംകോടതി ശക്തമായ ഭാഷയില് നിര്ദ്ദേശം നല്കി. ചരിത്ര സ്മാരകത്തിന്റെ അറ്റകുറ്റപണി സമയബന്ധിതമായി നിര്വഹിക്കുന്നില്ലെന്ന് ചൂണ്ടിക്കാട്ടി സമര്പ്പിച്ച ഹർജിയിലാണ് കോടതിയുടെ വിമർശനം.
ഫ്രാന്സിലെ ഈഫല് ടവറിനെക്കാള് മനോഹരമാണ് താജ്മഹല്. നിരവധി പേരാണ് ഈഫല് ടവര് കാണാന് എത്തുന്നത്. അത്രയും മനോഹരമായ താജ്മഹലിനെ നന്നായി പരിരക്ഷിക്കുയാണെങ്കില് കേന്ദ്രത്തിന്റെ വിദേശ വിനിമയ പ്രശ്നം തന്നെ പരിഹരിക്കപ്പെടുമെന്നും സര്ക്കാരിന്റെ ഉദാസീനതകൊണ്ട് രാജ്യത്തിന് എത്രമാത്രം നഷ്ടമാണ് സംഭവിക്കുന്നതെന്ന് മനസിലാക്കിയിട്ടുണ്ടോയെന്നും ജസ്റ്റിസുമാരായ മദന് ബി ലോകൂര്, ദീപക് ഗുപ്ത എന്നിവരടങ്ങിയ ഡിവിഷന് ബെഞ്ച് ചോദിച്ചു.
https://www.facebook.com/Malayalivartha
