തന്റെ നീണ്ട നഖത്തിന്റെ പേരില്‍ 2016 ല്‍ ശ്രീധര്‍ ഗിന്നസ് വേള്‍ഡ് റെക്കോര്‍ഡ്‌സില്‍ ഇടം പിടിച്ച ലോകത്തിന്റെയാകെ ശ്രദ്ധ കവര്‍ന്ന ശ്രീധര്‍ ചില്ലാല്‍ നഖം വെട്ടാന്‍ പോകുന്നു. തന്റെ 82ാം വയസ്സിലാണ് ഈ തീരുമാനം, 909.6 സെന്റിമീറ്ററാണ് ഇപ്പോള്‍ ശ്രീധറിന്റെ ആകെ നഖങ്ങളുടെ നീളം. ഏറ്റവും നീളമേറിയ തള്ളവിരലിലെ നഖം 197.8 സെന്റിമീറ്ററാണ്. നഖം വെട്ടിയ ശേഷവും ആ നഖം കൊണ്ട് ശ്രീധറിനു മറ്റൊരു ലക്ഷ്യം നേടാനുണ്ട്. നഖം വെട്ടിയ ശേഷം 'ബിലീവ് ഇറ്റ് ഓര്‍ നോട്ട്' എന്ന അമേരിക്കയിലെ പ്രശസ്ത മ്യൂസിയത്തില്‍ ആ നഖങ്ങള്‍ പ്രദര്‍ശിപ്പിക്കണമെന്നാണ് ശ്രീധറിന്റെ ആഗ്രഹം.

66 വര്‍ഷമായി നീട്ടി വളര്‍ത്തുന്ന നഖം മുറിക്കും. ലോകത്തിലെ ഏറ്റവും നീളം കൂടിയ നഖത്തിനുടമയായ ശ്രീധര്‍ 1952ലാണ് അവസാനമായി നഖം വെട്ടിയത്. ഇത് അനുവദിച്ച മ്യൂസിയം അധികൃതര്‍ ബുധനാഴ്ച ആഘോഷമായി ശ്രീധറിന്റെ നഖം വെട്ടല്‍ ചടങ്ങ് നടത്താനാണ് തീരുമാനിച്ചിരിക്കുന്നത്. തന്റെ നീണ്ട നഖത്തിന്റെ പേരില്‍ 2016 ലാണ് ശ്രീധര്‍ ഗിന്നസ് വേള്‍ഡ് റെക്കോര്‍ഡ്‌സില്‍ ഇടം പിടിച്ചത്.