വ്യോമപാതയില് ഇന്ഡിഗോ വിമാനങ്ങൾ നേര്ക്കുനേര്; പൈലറ്റുമാരുടെ സമയോചിത ഇടപെടൽ ഒഴിവാക്കിയത് വൻ ദുരന്തം
12 JULY 2018 03:27 PM IST
മലയാളി വാര്ത്ത
വ്യോമപാതയില് വിമാനങ്ങൾ നേര്ക്കുനേര് വന്നതായി ദേശീയ മാധ്യമങ്ങൾ റിപ്പോർട്ട് ചെയുന്നു. ബംഗളൂരുവിലാണ് സംഭവം. കോയമ്പത്തൂരില് നിന്ന് ഹൈദരാബാദിലേക്ക് പോയ ഇന്ഡിഗോ വിമാനവും അതേ കമ്പനിയുടെ തന്നെ ബംഗളൂരൂവില് നിന്ന് കൊച്ചിയിലേക്ക് പോയ വിമാനവുമാണ് നേര്ക്കുനേര് വന്നത്.
ഈ മാസം പത്തിനായിരുന്നു സംഭവം. ഇരുവിമാനങ്ങളും 200 മീറ്റര് ദൂരത്തില് മുഖാമുഖം വരികയായിരുന്നെന്ന് റിപ്പോര്ട്ടുകളില് പറയുന്നു. എന്നാൽ സംഭവം ശ്രദ്ധയില്പ്പെട്ട എയര് ട്രാഫിക് കണ്ട്രോള് മുന്നറിയിപ്പ് നല്കിയതോടെ പൈലറ്റുമാര് സമയോചിത ഇടപെടലിലൂടെ വന്അപകടം ഒഴിവാക്കുകയായിരുന്നു.
കോയമ്പത്തൂര്-ഹൈദരാബാദ് വിമാനത്തില് 162 യാത്രക്കാരും ബംഗളൂരൂ-കൊച്ചി വിമാനത്തില് 166 യാത്രക്കാരുമാണുണ്ടായിരുന്നത്. സംഭവത്തില് ഡയറക്ടര് ജനറല് ഓഫ് സിവില് ഏവിയേഷന് അന്വേഷണത്തിന് ഉത്തരവിട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
