സൈന്യത്തിൽ ചേരാൻ സാധിക്കാത്തതിൽ മനംനൊന്ത് യുവാവ് ആത്മഹത്യചെയ്തു . ന്യൂ ആഗ്ര സ്വദേശിയായ മുന്ന കുമാർ എന്ന 24കാരനാണ് ഫേസ്‌ബുക്ക് ലൈവിൽ ആത്മഹത്യചെയ്തത് . ബി.എസ്.സി ബിരുദധാരിയായ കുമാർ അഞ്ചുതവയാണ് സൈന്യത്തിൽ ചേരുന്നതിന് പരിശ്രമിച്ചത് . അവസാനശ്രമത്തിലും പരാജയപ്പെട്ട കുമാർ ആത്മഹത്യചെയ്യുകയായിരുന്നു .ഫെയ്‌സ്ബുക്കില്‍ ലൈവ് സ്ട്രീമിൽ പകർത്തിയ വീഡിയോ 2750 പേരോളം തല്‍സമയം കണ്ടിരുന്നു.

ബുധനാഴ്ച്ച അതിരാവിലെയാണ് ഇയാള്‍ ഫേസ്ബുക്കില്‍ ലൈവ് ചെയ്തുകൊണ്ട് കഴുത്തില്‍ കുരുക്കിട്ട് ആത്മഹത്യ ചെയ്തത്. ഇവിടെ നിന്ന് ആറ് പേജുള്ള ആത്മഹത്യാ കുറിപ്പും കണ്ടെടുത്തിട്ടുണ്ട്. ഇതില്‍ തന്റെ മരണത്തില്‍ താന്‍ തന്നെയാണ് ഉത്തരവാദിയെന്നും അഞ്ച് തവണ ശ്രമിച്ചിട്ടും സൈന്യത്തില്‍ ചേരാന്‍ സാധിക്കാത്തതിനാലാണ് താന്‍ ആത്മഹത്യ ചെയ്യുന്നതെന്നും കുറിച്ചിരുന്നു.