ജിബ്രാള്‍ട്ടര്‍ കോടതി മോചിപ്പിച്ച എണ്ണക്കപ്പല്‍ വീണ്ടും പിടിച്ചെടുക്കാന്‍ ശ്രമിച്ചാല്‍ അമേരിക്ക ഗുരുതരമായ പ്രത്യാഘാതം നേരിടേണ്ടി വരുമെന്ന് ഇറാന്റെ മുന്നറിയിപ്പ്. കപ്പല്‍ പിടിച്ചെടുക്കാന്‍ ഉത്തരവിട്ട യു.എസ് നടപടിക്കെതിരെ ടെഹ്റാനിലെ സ്വിസ് എംബസി വഴിയാണ് മുന്നറിയിപ്പ് നല്‍കിയത്. ഇത്തരം തെറ്റുകള്‍ ആവര്‍ത്തിച്ചാല്‍ ഗുരുതര പ്രത്യാഘാതങ്ങള്‍ ഉണ്ടാകുമെന്ന മുന്നറിയിപ്പ് ഇറാന്‍ വിദേശകാര്യ മന്ത്രാലയ വക്താവ് അബ്ബാസ് മൗസവി പറഞ്ഞു. ഔദ്യോഗിക മാര്‍ഗങ്ങളിലൂടെ അമേരിക്കന്‍ ഉദ്യോഗസ്ഥര്‍ക്ക് മുന്നറിയിപ്പുകള്‍ നല്‍കിയിട്ടുണ്ടെന്നും മൗസവി അറിയിച്ചു.മോദിയുടെ സര്‍ജിക്കല്‍ സ്ട്രൈക്കില്‍ കുഴങ്ങി കാശ്മീരിലെ രാഷ്ട്രീയ പാര്‍ട്ടികളും, ഒമര്‍ അബ്ദുള്ളയും മെഹബൂബ മുഫ്തിയും ആശയക്കുഴപ്പത്തില്‍. ഇറാന്‍ കപ്പല്‍ പിടിച്ചെടുത്തതും ബ്രിട്ടിഷ് കപ്പല്‍ സ്റ്റെന ഇംപറോ പിടിച്ചെടുത്തതും തമ്മില്‍ ബന്ധമില്ലെന്ന് അബ്ബാസ് മൗസവി മാധ്യമപ്രവര്‍ത്തകരോടു പറഞ്ഞു. ഇവ രണ്ടും വ്യത്യസ്ത സംഭവങ്ങളാണ്. രണ്ടു മൂന്നു തവണ സമുദ്രാതിര്‍ത്തി ലംഘിച്ചതു കൊണ്ടാണ് സ്റ്റെന ഇംപറോ പിടിച്ചെടുത്തത്. കപ്പല്‍ വിട്ടുകൊടുക്കുന്നതു സംബന്ധിച്ച നടപടിക്രമങ്ങള്‍ കോടതിയുടെ പരിഗണനയിലാണ് മൗസവി പറഞ്ഞു. ഇറാന്‍ എണ്ണക്കപ്പല്‍ പിടിച്ചെടുത്തതിനു പിന്നാലെ ജൂലായ് 19നാണ് ഗള്‍ഫിലെ ഹോര്‍മുസ് കടലിടുക്കില്‍ ബ്രിട്ടിഷ് കപ്പല്‍ 'സ്റ്റെന ഇംപറോ' ഇസ്ലാമിക് റെവല്യൂഷനറി ഗാര്‍ഡ്സ് പിടിച്ചെടുത്ത്.

മോചിപ്പിക്കാനായി ജിബ്രാള്‍ട്ടര്‍ കോടതി ഉത്തരവിട്ട ഇറാന്‍ എണ്ണക്കപ്പല്‍ പിടിച്ചെടുക്കാനുള്ള യുഎസ് കോടതി ഉത്തരവ് ജിബ്രാള്‍ട്ടര്‍ ഭരണകൂടം തള്ളിയിരുന്നു. യുഎസ് ഉപരോധം യുറോപ്യന്‍ യൂണിയനു ബാധകമല്ലെന്നു ജിബ്രാള്‍ട്ടര്‍ അറിയിച്ചു. ജിബ്രാള്‍ട്ടര്‍ കോടതിയുടെ മോചന വ്യവസ്ഥ പ്രകാരം കപ്പലിന്റെ പേര് 'ഗ്രേസ് 1 എന്നത് 'ആഡ്രിയന്‍ ഡാരിയ' എന്ന് മാറ്റി. കപ്പലില്‍ സ്ഥാപിച്ചിരുന്ന പാനമയുടെ പതാക താഴ്ത്തി പകരം ഇറാന്റെ പതാക ഉയര്‍ത്തി. കപ്പല്‍ തിങ്കളാഴ്ച പുലര്‍ച്ചയോടെ ജിബ്രാള്‍ട്ടര്‍ തീരംവിടും. സിറിയയിലേക്ക് ക്രൂഡ് ഓയില്‍ കൊണ്ടുപോകുകയാണെന്ന് ആരോപിച്ച് ജൂലൈ നാലിനു ബ്രിട്ടിഷ് സൈന്യം പിടിച്ചെടുത്ത കപ്പല്‍ ഓഗസ്റ്റ് 15 നാണ് ജിബ്രാള്‍ട്ടര്‍ സുപ്രീം കോടതി വിട്ടയച്ചത്. മൂന്നു മലയാളികള്‍ ഉള്‍പ്പെടെ 14 ഇന്ത്യക്കാരാണ് കപ്പലിലുള്ളത്; ആകെ ജീവനക്കാര്‍ 24. കപ്പല്‍ വിട്ടുകൊടുക്കുന്നതു തടയാന്‍ യുഎസ് നേരത്തെ ശ്രമം തുടങ്ങിയിരുന്നു. നാവികര്‍ക്ക് വീസ നിഷേധിക്കുമെന്നും കഴിഞ്ഞ ദിവസം വ്യക്തമാക്കി. കപ്പല്‍ കസ്റ്റഡിയില്‍ വേണമെന്ന ആവശ്യം ജിബ്രാള്‍ട്ടര്‍ കോടതി തള്ളിയതോടെ വാഷിങ്ടന്‍ ഡിസിയിലെ ഡിസ്ട്രിക്ട് കോടതിയെ സമീപിക്കുകയായിരുന്നു യുഎസ്. തുടര്‍ന്നാണ് കപ്പല്‍ അതിലെ എണ്ണയും പത്തു ലക്ഷത്തോളം യുഎസ് ഡോളറും സഹിതം പിടിച്ചെടുക്കാന്‍ വെള്ളിയാഴ്ച കോടതി ഉത്തരവിട്ടത്. ഇറാനിലെ ഇസ്ലാമിക് റവല്യൂഷനറി ഗാര്‍ഡുകളുമായി കപ്പലിനു ബന്ധമുണ്ടെന്നാണ് യുഎസിന്റെ ആരോപണം. റവല്യൂഷനറി ഗാര്‍ഡ്സ് ഇറാന്റെ സൈന്യമാണെങ്കിലും യുഎസ് ഇതിനെ ഭീകരസംഘടനയായാണു കണക്കാക്കുന്നത്.