കര്‍ണാടകയില്‍ മഴക്കെടുതികളില്‍ ഇതുവരെ 82പേര്‍ക്ക് ജീവഹാനി സംഭവിച്ചതായി റിപ്പോര്‍ട്ട്. ബെല്‍ഗാവിലാണ് കൂടുതല്‍ പേര്‍ മരിച്ച്. 19 പേര്‍ക്കാണ് ഇവിടെ ജീവഹാനി സംഭവച്ചത്. സംസ്ഥാനത്ത് ഒന്‍പത് പേരെ കാണാതായിട്ടുണ്ട്.സംസ്ഥാന സര്‍ക്കാര്‍ ദുരിതാശ്വാസ പ്രവര്‍ത്തനങ്ങള്‍ക്കായി 195 കോടി രൂപ അനുവദിച്ചു. പ്രളയം അനുഭവിക്കുന്നവര്‍ക്ക് അടിയന്തര സഹായമായി 10,000 രൂപ വീതം നല്‍കും.

പ്രളയത്തില്‍ മരിച്ചവരുടെ കുടുംബത്തിന് അഞ്ചുലക്ഷം രൂപ വീതം നഷ്ടപരിഹാരം നല്കുമെന്ന് മുഖ്യമന്ത്രി ബി.എസ്. യെദിയൂരപ്പ നേരത്തെ അറിയിച്ചിരുന്നു.സംസ്ഥാനത്തെ വിവിധ പ്രളയബാധിത മേഖലകളില്‍ നിന്നായി ലക്ഷക്കണക്കിനു പേരെയാണ് സുരക്ഷിത സ്ഥാനങ്ങളിലേക്ക് മാറ്റിയത്. മഴക്കെടുതികളില്‍ സംസ്ഥാനത്തിന് 6,000 കോടിയുടെ നഷ്ടമുണ്ടായെന്നും 3,000 കോടി രൂപ അടിയന്തരസഹായമായി നല്‍കണമെന്നും നേരത്തെ കേന്ദ്രത്തോട് യെദിയൂരപ്പ ആവശ്യപ്പെട്ടിരുന്നു.