ഇന്ത്യയുടെ സ്വപ്ന ചാന്ദ്ര പര്യവേഷണ ദൗത്യമായ ചന്ദ്രയാന് 2വിന്റെ അവസാന പ്രതീക്ഷയും അവസാനിച്ചു; വിക്രം ലാന്ററുമായി ബന്ധം പുനസ്ഥാപിക്കാനുള്ള സാദ്ധ്യത മങ്ങി
ഇന്ത്യയുടെ സ്വപ്ന ചാന്ദ്ര പര്യവേഷണ ദൗത്യമായ ചന്ദ്രയാന് 2വിന്റെ അവസാന പ്രതീക്ഷയും മങ്ങി. ചന്ദ്രയാന് 2 വിക്രം ലാന്ററുമായി ബന്ധം പുനസ്ഥാപിക്കാനുള്ള സാദ്ധ്യത അവസാനിച്ചിരിക്കുകയാണ്. 14 ദിവസത്തെ ചാന്ദ്ര പകൽ അത്രയും തന്നെ ദൈർഘ്യമുള്ള രാത്രിക്ക് വഴിമാറിയതോടെ വിക്രമുമായി ബന്ധപ്പെടാനുള്ള അവസാന സാധ്യതയും മങ്ങി. ലാന്ററിനെ കുറിച്ച് പരിശോധിച്ച് വരികയാണ് ഐ.എസ്.ആര്.ഒ.
ചന്ദ്രന്റെ രാത്രി സമയത്തെ കടുത്ത തണുപ്പ് അതിജീവിക്കാനുള്ള സംവിധാനങ്ങളൊന്നും വിക്രമിനകത്ത് ഇല്ല. ഇടിച്ചിറങ്ങിയതിന്റെ ആഘാതത്തില് വിക്രമിലെ ഉപകരണങ്ങള്ക്ക് കേട്പാട് സംഭവിച്ചിരിക്കാമെന്നാണ് വിദഗ്ധരുടെ വിലയിരുത്തൽ. വിക്രമുമായി ബന്ധം നഷ്ടപെട്ടത് എങ്ങനെ എന്ന് പരിശോധിച്ച് വരികയാണ് വിദഗ്ധ സംഘം.
വിക്രം ലാൻഡർ സോഫ്റ്റ് ലാൻഡിംഗ് നടത്തേണ്ടിയിരുന്നത് സെപ്റ്റംബർ ഏഴിന് പുലർച്ചെയായിരുന്നു. എന്നാൽ പ്രതീക്ഷകളൊക്കെ തകിടം മറിച്ചുകൊണ്ട് അവസാനഘട്ടത്തിൽ പേടകവുമായി ബന്ധം നഷ്ടപ്പെടുകയായിരുന്നു. വിക്രം ലാൻഡർ ഇറങ്ങേണ്ടിയിരുന്ന സ്ഥലത്തിന്റെ ചിത്രങ്ങൾ നാസയുടെ ലൂണാർ റിക്കൊണിസൻസ് ഓർബിറ്റർ പകർത്തിയെന്ന് അറിയിച്ചിട്ടുണ്ടെങ്കിലും ലാന്ററിന്റെ ചിത്രം പതിഞ്ഞിട്ടുണ്ടോ എന്ന് ചിത്രങ്ങൾ പഠിച്ച ശേഷം മാത്രമേ സ്ഥിരീകരിക്കാനാകൂ. ചന്ദ്രയാൻ രണ്ട് ഓർബിറ്റർ തന്നെ ലാൻഡറിന്റെ ചിത്രങ്ങൾ പകർത്തിയതായി റിപ്പോർട്ടുകളുണ്ടായിരുന്നെങ്കിലും ഇസ്രൊ ഇത് വരെ ചിത്രങ്ങളൊന്നു പുറത്ത് വിട്ടിട്ടില്ല.
സൂര്യപ്രകാശത്തില് പ്രവര്ത്തിക്കുന്ന വിക്രം ലാന്ഡറിന്റെ ആയുസ് 14 ദിവസമായിരുന്നു. ചന്ദ്രനിലെ 14 ദിവസത്തെ പകല് അവസാനിച്ച് അത്ര തന്നെ ദൈര്ഘ്യമുള്ള രാത്രി തുടങ്ങിയതോടെ ലാന്ഡറിന് ഇനി പ്രവര്ത്തിക്കാനാകില്ല എന്നതാൻ ഏറെ നിരാശാജനകമായ കാര്യം . ആശയവിനിമയം പുനസ്ഥാപിക്കാനുള്ള ഐ.എസ്.ആര്.ഒ ശ്രമങ്ങളും ഇതോടെ അവസാനിക്കുകയാണ്. കൂടാതെ രാത്രി ആരംഭിച്ചതോടെ ദക്ഷിണ ധ്രുവത്തിലെ താപനില മൈനസ് 180 ഡിഗ്രി വരെ താഴും. ഈ സമയത്ത് ലാന്ഡറിന്റെ ഇലക്ട്രോണിക് ഉപകരണങ്ങള്ക്ക് കേടുപാട് വരാനും സാധ്യതയുണ്ട്. അതിനാല് ചന്ദ്രനില് ഇനിയൊരു പകല് വരുമ്പോഴേക്കും ലാന്ഡറിന്റെ സുരക്ഷിതത്വം അവസാനിക്കും.
ഇൻഡിയയുടെ സ്വപ്ന പദ്ധതിയാണ് ചന്ദ്രയാൻ 2. രാജ്യം ഏറെ പ്രതീക്ഷയോടെയായിരുന്ന ചന്ദ്രോപരിതലത്തില് വിക്രം ലാന്ഡര് നടത്തേണ്ടിയിരുന്ന സോഫ്റ്റ് ലാന്ഡി൦ഗിനായി കാത്തിരുന്നത്. സെപ്തംബര് 7ന് പുലര്ച്ചെയായിരുന്നു രാജ്യം ഏറെ ആകാംഷയോടെ കാത്തിരുന്ന ചാന്ദ്രയാന് 2, വിക്രം ലാന്ഡറിന്റെ സോഫ്റ്റ് ലാന്ഡി൦ഗ് നടക്കേണ്ടിയിരുന്നത്. എന്നാല്, 'നിശ്ചിത' സമയത്തിന് മിനിറ്റുകള് മുന്പ് ചന്ദ്രനില്നിന്നും 2.1 കിലോമീറ്റര് ദൂരെവച്ച് വിക്രം ലാന്ഡറുമായുള്ള ആശയവിനിമയം നഷ്ടമാക്കുകയായിരുന്നു. നിര്ണായകമായ സോഫ്റ്റ് ലാന്ഡി൦ഗ് തുടങ്ങി 10 മിനിറ്റുകള്ക്ക് ശേഷമാണ് പാളിച്ച സംഭവിച്ചത്. ചന്ദ്രന്റെ ഉപരിതലത്തില് നിന്ന് 2.1 കിലോമീറ്റര് ഉയരത്തില് നിന്ന് ബന്ധം നഷ്ടപ്പെട്ട വിക്രം ലാന്ഡറിന് സോഫ്റ്റ് ലാന്ഡിംഗ് നടത്താനായില്ല.
ഇന്ത്യൻ പ്രധാനമന്ത്രി മൻമോഹൻസിംഗിന്റെ അധ്യക്ഷതയിൽ 2008 സപ്തംബർ 18 നു നടന്ന യൂണിയൻ കാബിനറ്റ് സമ്മേളനത്തിൽ ഇന്ത്യാ ഗവൺമെന്റ് ചന്ദ്രയാൻ 2 ദൌത്യം അംഗീകരിച്ചത്. 12 നവംബർ 2007ൽ ഐ. എസ്. ആർ. ഓ-യുടേയും റഷ്യൻ ഫെഡറൽ സ്പേസ് ഏജൻസിയുടേയും (ROSKOSMOS) പ്രതിനിധികൾ ചന്ദ്രയാൻ 2 പദ്ധതിയിൽ ഒരുമിച്ചു പ്രവർത്തിക്കാൻ ഒരു കരാറിൽ ഒപ്പുവച്ചു. ഐ.എസ്.ആർ.ഓയ്ക്ക് പേടകത്തിന്റെയും റോസ്കോസ്മോസിന് ലാന്ററിന്റെയും റോവറിന്റെയും പ്രധാനചുമതല ലഭിച്ചു. ഇരു രാജ്യങ്ങളിലേയും ശാസ്ത്രജ്ഞന്മാരുടെ കൂട്ടായ പരിശ്രമത്തിന്റെ ഫലമായി പേടകത്തിന്റെ രൂപകൽപ്പന ആഗസ്റ്റ് 2009 ആയപ്പോഴേയ്ക്കും അവസാനിച്ചു. എന്നാൽ റഷ്യക്ക് നിശ്ചിത സമയത്ത് ലാൻഡർ വികസിപ്പിച്ചെടുക്കാൻ സാധിച്ചില്ല. പിന്നീട് റഷ്യ ഈ ചാന്ദ്രദൗത്യത്തിൽ നിന്ന് പിന്മാറുകയും ഇന്ത്യ സ്വതന്ത്രമായി ഈ ദൗത്യം പൂർത്തിയാക്കുവാൻ തീരുമാനിക്കുകയും ചെയ്യുകയായിരുന്നു.
https://www.facebook.com/Malayalivartha