വിശേഷങ്ങളേറെ... കര്ണാടകയും മഹാരാഷ്ട്രയും പിടിച്ച ശേഷം അമിത് ഷാ നോട്ടമിടുന്നത് ജാര്ഖണ്ഡും ഡല്ഹിയും; ഒന്നാഞ്ഞുപിടിച്ചാല് എപ്പോള് പോകുമെന്ന ചോദ്യം ബാക്കി; കോണ്ഗ്രസിനെ തവിട് പൊടിയാക്കാന് അമിത് ഷാ കളിക്കുമ്പോള് ഒരു പ്രതീക്ഷയുമില്ലാതെ നിലവിളിച്ച് കോണ്ഗ്രസ് നേതൃത്വം
ബിജെപി അധ്യക്ഷന് അമിത്ഷാ നമ്മള് വിചാരിക്കുന്ന ലെവലൊന്നുമല്ലെന്ന് ഭാരതീയര്ക്ക് കാണിച്ചു തരികയാണ്. ഇന്ത്യ കണ്ട ഏറ്റവും വലിയ രാഷ്ട്രീയ തന്ത്രശാലിയായി മാറുകയാണ് അമിത് ഷാ. അല്ലെങ്കില് തന്നെ നോക്കണേ ഒരു പ്രതീക്ഷയുമില്ലാതിരുന്ന കര്ണാടകയും മഹാരാഷ്ട്രയും പുഷ്പം പോലെയല്ലേ നേടിയെടുത്തത്. അമിത്ഷായുടെ അടുത്ത ലക്ഷ്യം ജാര്ഖണ്ഡും ഡല്ഹിയുമാണ്. അതു കഴിഞ്ഞാല് കേരളവും ശബരിമലയും ഉന്നം വയ്ക്കുന്നതായാണ് സൂചന. കേരളം ഒരിക്കലും വഴങ്ങില്ലെന്നാണ് വയ്പ്. എന്നാല് കഴിഞ്ഞ തവണത്തെ ഓളം കണ്ടതാണ്. ഇത്രയൊക്കെ ചെയ്യാമെങ്കില് കേരളം ആകാമെന്നാണ് അമിത്ഷായുടെ കണക്കുകൂട്ടല്.
മഹാരാഷ്ട്രയില് വെള്ളിയാഴ്ച രാത്രിനടന്ന നിശ്ശബ്ദവിപ്ലവത്തിലൂടെ അധികാരത്തിലെത്തിയ ബി.ജെ.പി.യുടെ അടുത്തലക്ഷ്യം ജാര്ഖണ്ഡും ഡല്ഹിയും. ഈമാസം 30 മുതല് ഡിസംബര് 20 വരെ അഞ്ചുഘട്ടങ്ങളിലായി വോട്ടെടുപ്പ് നടക്കുന്ന ജാര്ഖണ്ഡില് അധികാരം നിലനിര്ത്താനാണ് ബി.ജെ.പി. ശ്രമിക്കുന്നതെങ്കില് ഡല്ഹിയില് 22 വര്ഷമായി അകന്നുപോയ അധികാരം എങ്ങനെയെങ്കിലും തിരിച്ചുപിടിക്കുകയാണ് ലക്ഷ്യം.
ജാര്ഖണ്ഡില് വെട്ടെടുപ്പിനുമുമ്പുതന്നെ എന്.ഡി.എ. സഖ്യത്തില് വിള്ളലുണ്ടായത് ബി.ജെ.പി.യെ വിഷമവൃത്തത്തിലാക്കിയിരിക്കുകയാണ്. 2014ലെ തിരഞ്ഞെടുപ്പില് ഒപ്പമുണ്ടായിരുന്ന ഓള് ജാര്ഖണ്ഡ് സ്റ്റുഡന്റ്സ് യൂണിയന് സഖ്യംവിട്ട് ഒറ്റയ്ക്കാണ് മത്സരിക്കുന്നത്. രാംവിലാസ് പാസ്വാന്റെ എല്.ജെ.പി.യും നിതീഷ് കുമാറിന്റെ ജെ.ഡി.യു.വും ഒറ്റയ്ക്കാണ് മത്സരിക്കുന്നത്. അതേസമയം, കോണ്ഗ്രസ്, ലാലുപ്രസാദ് യാദവിന്റെ രാഷ്ട്രീയ ജനതാദള് (ആര്.ജെ.ഡി.), ജാര്ഖണ്ഡ് മുക്തിമോര്ച്ച (ജെ.എം.എം.) എന്നീ കക്ഷികളുമായി സഖ്യമുണ്ടാക്കിയാണ് മത്സരിക്കുന്നത്.
എന്നാല്, മഹാരാഷ്ട്രയില് യാഥാര്ഥ്യമായതും ജാര്ഖണ്ഡില് വിജയിക്കുമെന്നു പ്രതീക്ഷിക്കുന്നതുമായ തന്ത്രം ഡല്ഹിയില് അത്രയെളുപ്പത്തില് വിജയിക്കുമോ എന്നാണ് ഏവരും ഉറ്റുനോക്കുന്നത്. 1998ല് ഷീലാ ദീക്ഷിതിനുമുമ്പില് അധികാരം അടിയറവെയ്ക്കേണ്ടിവന്ന ബി.ജെ.പി. തുടര്ന്നുള്ള രണ്ടുതിരഞ്ഞെടുപ്പുകളിലും തോറ്റു. ആം ആദ്മി പാര്ട്ടിയുടെ ഉദയത്തിനുശേഷം 2013ല് ഷീലാ ദീക്ഷിതിന് അധികാരം വിട്ടൊഴിയേണ്ടിവന്നു. ആര്ക്കും ഭൂരിപക്ഷമില്ലാതിരുന്ന ആ തിരഞ്ഞെടുപ്പില് കോണ്ഗ്രസ് പിന്തുണയോടെ അധികാരത്തിലേറിയ കെജ്രിവാള് സര്ക്കാരിന് അല്പായുസ്സായിരുന്നു.
2014ലെ ലോക്സഭാ തിരഞ്ഞെടുപ്പില് വമ്പന് വിജയം നേടിയ ബി.ജെ.പി.ക്ക് ഡല്ഹിയിലെ ഏഴ് ലോക്സഭാ മണ്ഡലങ്ങളും സ്വന്തമാക്കാന് കഴിഞ്ഞു. ഈ ആത്മവിശ്വാത്തില് 2015ലെ നിയമസഭാ തിരഞ്ഞെടുപ്പിനിറങ്ങിയ ബി.ജെ.പി.യെ ഞെട്ടിച്ചുകൊണ്ട് 70ല് 67 സീറ്റും നേടി എ.എ.പി. അധികാരത്തിലെത്തി. എന്നാല്, തുടര്ന്നുനടന്ന മുനിസിപ്പല് കോര്പ്പറേഷന് തിരഞ്ഞെടുപ്പില് അവരുടെ വെല്ലുവിളി അതിജീവിച്ച് മൂന്ന് കോര്പ്പറേഷനുകളും നിലനിര്ത്താന് കഴിഞ്ഞതും ഈവര്ഷം നടന്ന ലോക്സഭാ തിരഞ്ഞെടുപ്പില് ഏഴു മണ്ഡലങ്ങളിലും വിജയം ആവര്ത്തിക്കാന് കഴിഞ്ഞതും ബി.ജെ.പി.യുടെ ആത്മവിശ്വാസം വര്ധിപ്പിച്ചിട്ടുണ്ട്.
ലോക്സഭാ തിരഞ്ഞെടുപ്പില് മൊത്തമുള്ള 13,816 ബൂത്തുകളില് 1808 ഇടത്ത് പാര്ട്ടി പിന്നാക്കംപോയത് ബി.ജെ.പി. ഗൗരവമായാണ് കാണുന്നത്. ഈ ബൂത്തുകള് ഏറെയും മുസ്ലിം സ്വാധീനമുള്ള പ്രദേശങ്ങളാണ്. അതിനാല് മുസ്ലിം വോട്ടര്മാരെ ആകര്ഷിക്കാനാവശ്യമായ പരിപാടികള് ആവിഷ്കരിക്കാനാണ് നേതൃത്വം പ്രാദേശികനേതാക്കളോടും പ്രവര്ത്തകരോടും നിര്ദേശിച്ചിരിക്കുന്നത്.
നഗരത്തിലെ വോട്ടര്മാരില് 3540 ശതമാനം കിഴക്കന് യു.പി.യും ബിഹാറിന്റെ പടഞ്ഞാറന് മേഖലയും ഉള്പ്പെടുന്ന പ്രദേശത്തുകാരാണ്. പൂര്വാഞ്ചലുകാരെന്നാണ് അവരെ വിശേഷിപ്പിക്കുന്നത്. ഇക്കൂട്ടത്തിലെ ഗായകനും അഭിനേതാവുമായ മനോജ് തിവാരിയാണ് ബി.ജെ.പി.യുടെ സംസ്ഥാന അധ്യക്ഷന്. പൂര്വാഞ്ചലുകാരെ സ്വാധീനിക്കാന് അദ്ദേഹത്തിന് കഴിയുമെന്നാണ് പാര്ട്ടിയുടെ വിശ്വാസം.
https://www.facebook.com/Malayalivartha
