രാജസ്ഥാനില്‍ ചൊപാങ്കി പോലീസ് സ്റ്റേഷന്‍ പരിധിയിലുള്ള അള്‍വാറില്‍ മുത്തലാഖ് ചൊല്ലി ഭര്‍ത്താവ് ഉപേക്ഷിച്ചതിനു പിന്നാലെ ഭര്‍തൃപിതാവ് പീഡിപ്പിച്ചതായി യുവതി പരാതി നല്‍കി. തോക്കു ചൂണ്ടി ഭീഷണിപ്പെടുത്തിയായിരുന്നു പീഡനമെന്നാണ് പരാതി.

ഭര്‍ത്താവ് തന്നെ മുത്തലാഖ് ചൊല്ലിയത് നവംബര്‍ 22-നാണ് എന്നും ഇതേ ദിവസം രാത്രി ഭര്‍ത്താവിന്റെ പിതാവ് പീഡിപ്പിച്ചെന്നുമാണ് യുവതിയുടെ പരാതിയില്‍ പറയുന്നത്. യുവതിയെ വിശദമായ വൈദ്യ പരിശോധനക്ക് വിധേയയാക്കിയിരിക്കുകയാണ്. പരിശോധനാ ഫലം വന്ന ശേഷം കൂടുതല്‍ നടപടികളിലേക്ക് കടക്കുമെന്ന് പോലീസ് അറിയിച്ചു.

ഇന്ത്യന്‍ ശിക്ഷാ നിയമത്തിലെ വകുപ്പുകളും മുത്തലാഖ് നിരോധന നിയമത്തിലെ വകുപ്പുകളും ചേര്‍ത്ത് പീഡനത്തിന് കേസ് രജിസ്റ്റര്‍ ചെയ്തിട്ടുണ്ടെന്നും സംഭവത്തില്‍ അന്വേഷണം പുരോഗമിക്കുകയാണെന്നും എസ്പി കുംവത്ത് വ്യക്തമാക്കി.