ഇനി കള്ളന്മാർ പണം മോഷ്ടിക്കുമോ എന്ന കാര്യം സംശയമാണ്. അത്തരത്തിൽ ഒരു സംഭവമാണ് ഇപ്പോൾ ഉണ്ടായിരിക്കുന്നത്. അവശ്യ സാധനങ്ങൾ കിട്ടാനായിട്ടാണ് കള്ളൻമാർ ഇപ്പോൾ മോഷണത്തിന്റെ പദ്ധതി തയ്യറാക്കുന്നത്. ചൊവ്വാഴ്ച രാവിലെ കട തുറന്ന അക്ഷയ്ദാസ് എന്ന വ്യാപാരി കണ്ടത് കട കുത്തിത്തുറന്നിരിക്കുന്ന കാഴ്ച്ച. അദേഹം ആദ്യം നോക്കിയത് പണം സൂക്ഷിച്ചിരുന്ന പെട്ടിയിലേക്കാണ് . തുറന്നപ്പോൾ ഒരു രൂപ പോലും നഷ്ടമായിട്ടില്ല. ഉള്ളി വച്ചിരുന്ന സ്ഥലത്ത് നോക്കിയപ്പോൾ ഉള്ളി വച്ചിരുന്ന സ്ഥലം ശൂന്യം.

കൊൽക്കത്തയിലെ മിഡ്നാപ്പൂർ ജില്ലയിലെ സുതാഹത എന്ന പ്രദേശത്തായിരുന്നു ഈ സംഭവം നടന്നത്. ഉള്ളിവില റോക്കറ്റിന്റെ വേ​ഗതയിലാണ് കുതിച്ചുയരുന്നത്. ഒരു കിലോ ഉള്ളിക്ക് നൂറ് രൂപയാണ് ഇപ്പോൾ മാർക്കറ്റിൽ. ഏകദേശം അമ്പതിനായിരം രൂപയുടെ ഉള്ളിയായിരുന്നു അക്ഷയ്ദാസിന്റെ കടയിൽ നിന്ന് മോഷണം പോയത്. ചാക്കു കണക്കിന് ഉള്ളി മോഷ്ടാവ് ചുമന്ന് മാറ്റി . മാത്രമല്ല ഇഞ്ചിയും വെളുത്തുള്ളിയും കൊണ്ടുപോയി. പണപ്പെട്ടിയിൽ നിന്ന് ഒന്നും നഷ്ടപ്പെട്ടിട്ടില്ലെന്ന് അക്ഷയ്ദാസ് പറയുന്നു.