നിര്ഭയ കേസില് വധശിക്ഷക്ക് വിധിച്ച നാല് പ്രതികളില് ഒരാളുടെ ഹര്ജിയില് സുപ്രീംകോടതി ഇന്ന് വാദം കേള്ക്കും
നിര്ഭയ കേസില് വധശിക്ഷക്ക് വിധിച്ച നാല് പ്രതികളില് ഒരാളുടെ ഹര്ജിയില് സുപ്രീംകോടതി ഇന്ന് വാദം കേള്ക്കും. രാഷ്ട്രപതി ദയാഹര്ജി തള്ളിയതിനെതിരെ പ്രതിയായ വിനയ് ശര്മ നല്കിയ ഹര്ജിയാണ് സുപ്രീംകോടതി ഇന്ന് പരിഗണിക്കുന്നത്. ജസ്റ്റിസ് ഭാനുമതി അധ്യക്ഷയായ ബെഞ്ചാണ് വാദം കേള്ക്കുന്നത്.
വധശിക്ഷ ജീവപര്യന്തമായി കുറച്ചു നല്കണമെന്ന അപേക്ഷയും അഭിഭാഷകനായ എ.പി സിങ് മുഖേന പ്രതി കോടതിക്ക് മുമ്പാകെ സമര്പ്പിച്ചിട്ടുണ്ട്. ഫെബ്രുവരി ഒന്നിനാണ് വിനയ് ശര്മയുടെ ദയാഹര്ജി രാഷ്ട്രപതി രാംനാഥ് കോവിന്ദ് തള്ളിയത്. മുകേഷ് സിങ്, പവന് ഗുപ്ത, വിനയ് ശര്മ, അക്ഷയ് താക്കൂര് എന്നീ നാല് പ്രതികളുടെയും വധശിക്ഷ 'ഇനിയൊരു ഉത്തരവുണ്ടാകുന്നതു വരെ' സ്റ്റേ ചെയ്തുകൊണ്ട് ജനുവരി 31ന് വിചാരണ കോടതി ഉത്തരവിട്ടിരുന്നു.
പ്രതികളിലൊരാളുടെ ദയാഹര്ജി രാഷ്ട്രപതിയുടെ പരിഗണനയിലുള്ളതിനാലായിരുന്നു വിധി സ്റ്റേ ചെയ്തത്. നാല് പ്രതികളും നിലവില് തിഹാര് ജയിലിലാണ്. പ്രതിയായ പവന് ഗുപ്ത ഇതുവരെ തിരുത്തല് ഹര്ജിയോ ദയാഹര്ജിയോ നല്കിയിട്ടില്ല.
https://www.facebook.com/Malayalivartha
