അസം മുന് മുഖ്യമന്ത്രി സൈദ അന്വാര തൈമൂര് ഓസ്ട്രേലിയയില് അന്തരിച്ചു
അസമിലെ മുന് മുഖ്യമന്ത്രി സൈദ അന്വാര തൈമൂര് (83) ഓസ്ട്രേലിയയില് അന്തരിച്ചു. അസമില് മുഖ്യമന്ത്രിയായിട്ടുള്ള ഏക വനിതയായ തൈമൂറിന്റെ അന്ത്യം ഹൃദയാഘാതത്തെത്തുടര്ന്നാണ്. മകനോടൊപ്പം കഴിയുകയായിരുന്നു.
രാഷ്ട്രീയത്തിലെത്തും മുന്പ് കോളജ് അധ്യാപികയായിരുന്നു. 1980 ഡിസംബര് മുതല് 1981 ജൂണ് വരെ കോണ്ഗ്രസ് മുഖ്യമന്ത്രിയായിരുന്നു. 4 പ്രാവശ്യം നിയമസഭയിലേക്കു തിരഞ്ഞെടുക്കപ്പെട്ട തൈമൂര് പൊതുമരാമത്ത്, കൃഷി വകുപ്പുകളുടെ മന്ത്രിയുമായിരുന്നു. രാജ്യസഭാംഗവുമായിട്ടുണ്ട്. 2011-ല് കോണ്ഗ്രസ് വിട്ട് എഐയുഡിഎഫിലെത്തി.
2018-ല് തൈമൂറിന്റെ പേര് പൗരത്വ റജിസ്റ്ററിനു (എന്സിആര്) പുറത്തായത് വിവാദമായിരുന്നു. അവര് പൗരത്വ രജിസ്റ്ററില് പേരുള്പ്പെടുത്താനുള്ള നടപടിക്രമങ്ങള്ക്കായി ഓസ്ട്രേലിയയില് നിന്നും ഇന്ത്യയിലേക്ക് തിരിക്കുന്നതിനെക്കുറിച്ച് ആലോചിച്ചിരുന്നു. എന്റെ പേര് ആ ലിസ്റ്റിലില്ലാത്തത് വളരെ വേദനാജനകമാണ്. ആഗസ്റ്റ് അവസാന ആഴ്ച അസമിലേക്ക് തിരിച്ചുവരികയും എന്റെ കുടുംബത്തിന്റെയും പേര് ദേശീയ പൗരത്വ രജിസ്റ്റര് ലിസ്റ്റില് ഉള്പ്പെട്ടു കിട്ടാനുള്ള നടപടിക്രമങ്ങള് തുടങ്ങുകയും ചെയ്യുമെന്ന് സൈദ ഒരു ടെലിവിഷന് ചാനലിനോടു പറഞ്ഞിരുന്നു.
അസമിലെ ഇന്ത്യന് നാഷണല് കോണ്ഗ്രസ് നേതാവായിരുന്നു സൈദ എ.ഐ.സി.സി അംഗം കൂടിയായിരുന്നു. മുന് മുഖ്യമന്ത്രിയുടെ മുന്തലമുറയെക്കുറിച്ചുള്ള യാതൊരു രേഖയും അവരുടെ പക്കലില്ലെന്നാണ് എന്.ആര്.സി അധികൃതര് പറഞ്ഞത്.
https://www.facebook.com/Malayalivartha
