ജയിലുകളില് പരിധിയിലധികം ആളുകളെ പാര്പ്പിച്ചിരിക്കുന്നതില് ആശങ്ക അറിയിച്ച് സുപ്രീം കോടതി
കുറ്റവാളികളെ ജയിലില് കുത്തിനിറയ്ക്കുന്നതില് ആശങ്ക അറിയിച്ച് സുപ്രീം കോടതി. വിഷയത്തെ മനുഷ്യാവകാശ ലംഘനമായി കണക്കിലെടുത്ത് അതീവ ഗൗരവത്തോടെ സമീപിക്കണമെന്നും രാജ്യത്തെ ഹൈക്കോടതികള്ക്ക് സുപ്രീം കോടതി നിര്ദേശം നല്കി. ജസ്റ്റീസുമാരായ മദന് ബി. ലോകുര്, ദീപക് ഗുപ്ത എന്നിവര് ഉള്പ്പെട്ട ബെഞ്ചിന്റേതാണ് നിര്ദ്ദേശം.
പാര്പ്പിക്കാവുന്നതിലും 150 ശതമാനം അധികം പേരാണ് പല ജയിലുകളിലും കഴിയുന്നതെന്നാണ് സുപ്രീം കോടതിയുടെ നിരീക്ഷണം. ഹൈക്കോടതി ചീഫ് ജസ്റ്റിസുമാര് ഈ വിഷയത്തില് സ്വമേധയാ ഇടപെടണമെന്നും അമിക്കസ് ക്യൂറിയെ വച്ച് അന്വേഷിപ്പിക്കണമെന്നും സുപ്രീം കോടതി നിര്ദ്ദേശിച്ചു.ഓരോ ഹൈക്കോടതികളും ഈ വിഷയത്തില് സ്വതന്ത്രമായ അന്വേഷണം നടത്തണം. സംസ്ഥാന ലീഗല് സര്വീസ് അതോറിറ്റിയുടെ സഹായവും തേടാം.
വിശദമായ പഠനത്തിലൂടെയെ ജയിലുകളില് പരിധിയിലധികം ആളുകളെ പാര്പ്പിച്ചിരിക്കുന്ന പ്രശ്നത്തിന് പരിഹാരം കണ്ടെത്താനാകു എന്നും സുപ്രീം കോടതി വ്യക്തമാക്കി.
https://www.facebook.com/Malayalivartha
