കര്ണാടക നിയമസഭ തെരഞ്ഞെടുപ്പിന്റെ വോട്ടെണ്ണല് പുരോഗമിക്കവേ ഫലസൂചനകള് മാറിമറിയുന്നു... ആദ്യഫല സൂചനകള് ബിജെപിക്ക് അനുകൂലം; യദൂരപ്പ ,സിദ്ധരാമയ്യ , കുമാരസ്വാമി , റെഡ്ഡി സഹോദരന്മാര് എന്നിവര് ഏറെ മുന്നില്...
കര്ണാടക നിയമസഭയിലേക്ക് നടന്ന തിരഞ്ഞെടുപ്പിന്റെ വോട്ടെണ്ണല് പുരോഗമിക്കുമ്പോള് ഫലസൂചനകളാകട്ടെ ആകെ മാറിമറിയുന്നു. ഭരണകക്ഷിയായ കോണ്ഗ്രസും തുടക്കത്തില് മുന്നിട്ട് നിന്നെങ്കിലും ഇപ്പോള് ബി.ജെ.പി ലീഡ് നേടിയിട്ടുണ്ട്. 222സീറ്റുകളിലെ ഫലസൂചനകള് വന്നപ്പോള് ബി.ജെ.പി 110 സീറ്റില് മുന്നിട്ട് നില്ക്കുന്നു. ഭരണകക്ഷിയായ കോണ്ഗ്രസ് 68 സീറ്റിലാണ് മുന്നിട്ട് നില്ക്കുന്നത്. കിംഗ് മേക്കറാവുമെന്ന് കരുതുന്ന മതേതര ജനതാദള് 42 സീറ്റിലും മുന്നിട്ട് നില്ക്കുന്നു.എക്സിറ്റ് പോള് ഫലങ്ങള് തൂക്കുസഭയ്ക്ക് സാദ്ധ്യത കല്പിക്കുമ്പോള് ജനതാ ദള് എസുമായുള്ള ബന്ധത്തിനാണ് കോണ്ഗ്രസും ബി.ജെ.പിയും ശ്രമം നടത്തുന്നത്.
കോണ്ഗ്രസിനും ബി.ജെ.പിക്കും കേവല ഭൂരിപക്ഷം ലഭിക്കാതെ വന്നാല് ജനതാദള് എസിന്റെ തീരുമാനം കര്ണാടകയുടെ ഭാവിയില് നിര്ണായകമാകും. ഇതോടെ, പാര്ട്ടി സംസ്ഥാന അദ്ധ്യക്ഷനും കര്ണാടക മുന് മുഖ്യമന്ത്രിയുമായ എച്ച്.ഡി. കുമാരസ്വാമിയുടെ നിലപാടിലേക്ക് ഉറ്റുനോക്കുകയാണ് രാഷ്ട്രീയ ലോകം. എക്സിറ്റ് പോള് ഫലം പുറത്തുവന്നതിനു പിന്നാലെ കുമാരസ്വാമി സിംഗപ്പൂരിലേക്കു പോയതും രാഷ്ട്രീയ അഭ്യൂഹങ്ങള്ക്കു കാരണമായിട്ടുണ്ട്. തൂക്കുസഭയ്ക്കുള്ള സാദ്ധ്യത തെളിഞ്ഞതോടെ ബി.ജെ.പി, കോണ്ഗ്രസ് നേതാക്കള് ജെ.ഡി.എസ് നേതൃത്വവുമായി രഹസ്യ ചര്ച്ച നടത്തിയതായും സൂചനയുണ്ട്
ദളിത് മുഖ്യമന്ത്രി അധികാരത്തിലേറാന് താന് മാറിക്കൊടുക്കാന് തയ്യാറാണെന്ന് കഴിഞ്ഞ ദിവസം സിദ്ധരാമയ്യ പ്രസ്താവന നടത്തിയതും ശ്രദ്ധേയമായിരുന്നു.
https://www.facebook.com/Malayalivartha
