കര്‍ണാടകയില്‍ ആര്‍ക്കും ഭൂരിപക്ഷത്തിന് സാധ്യതയില്ല, ഇഞ്ചോടിഞ്ചുള്ള പോരാട്ടത്തില്‍ ബിജെപിക്ക് നേരിയ മുന്‍തൂക്കം
കര്‍ണാടകയിലെ നിയമസഭയിലേക്ക് നടന്ന തിരഞ്ഞെടുപ്പില്‍ എക്‌സിറ്റ് പോളുകളെ ശരിവച്ച് ആദ്യ ഫലസൂചനകള്‍. വോട്ടെണ്ണല്‍ പുരോഗമിക്കുമ്പോള്‍ കര്‍ണാടകയില്‍ തൂക്ക് സഭ വരുമെന്ന സൂചനകളാണ് ലഭിക്കുന്നത്. 222 സീറ്റുകളിലെ ലീഡ് നില പുറത്ത് വരുമ്പോള്‍ ബി.ജെ.പി 110 സീറ്റുകളുമായി മുന്നിട്ട് നില്‍ക്കുന്നു.
ഭരണകക്ഷിയായ കോണ്‍ഗ്രസ്68 സീറ്റിലാണ് മുന്നിട്ട് നില്‍ക്കുന്നത്. കിംഗ് മേക്കറാവുമെന്ന് കരുതുന്ന മതേതര ജനതാദള്‍ 43 സീറ്റിലും മുന്നിട്ട് നില്‍ക്കുന്നു. തീരദേശ മണ്ഡലങ്ങളില്‍ ബി.ജെ.പിയാണ് മുന്നേറ്റം കാഴ്ചവയ്ക്കുന്നത്. ചാമുണ്ഡേശ്വരിയില്‍ മുഖ്യമന്ത്രി സിദ്ധരാമയ്യ പിന്നിട്ട് നില്‍ക്കുകയാണ്. ബംഗളൂരു നഗരത്തില്‍ ബി.ജെ.പി മികച്ച പ്രകടനം കാഴ്ചവയ്ക്കുന്നത്. എക്‌സിറ്റ് പോള്‍ ഫലങ്ങള്‍ തൂക്കുസഭയ്ക്ക് സാദ്ധ്യത കല്പിക്കുമ്പോള്‍ ജനതാ ദള്‍ എസുമായുള്ള ബന്ധത്തിനാണ് കോണ്‍ഗ്രസും ബി.ജെ.പിയും ശ്രമം നടത്തുന്നത്.
കോണ്‍ഗ്രസിനും ബി.ജെ.പിക്കും കേവല ഭൂരിപക്ഷം ലഭിക്കാതെ വന്നാല്‍ ജനതാദള്‍ എസിന്റെ തീരുമാനം കര്‍ണാടകയുടെ ഭാവിയില്‍ നിര്‍ണായകമാകും. ഇതോടെ, പാര്‍ട്ടി സംസ്ഥാന അദ്ധ്യക്ഷനും കര്‍ണാടക മുന്‍ മുഖ്യമന്ത്രിയുമായ എച്ച്.ഡി. കുമാരസ്വാമിയുടെ നിലപാടിലേക്ക് ഉറ്റുനോക്കുകയാണ് രാഷ്ട്രീയ ലോകം. എക്‌സിറ്റ് പോള്‍ ഫലം പുറത്തുവന്നതിനു പിന്നാലെ കുമാരസ്വാമി സിംഗപ്പൂരിലേക്കു പോയതും രാഷ്ട്രീയ അഭ്യൂഹങ്ങള്‍ക്കു കാരണമായിട്ടുണ്ട്.
തൂക്കുസഭയ്ക്കുള്ള സാധ്യത തെളിഞ്ഞതോടെ ബി.ജെ.പി, കോണ്‍ഗ്രസ് നേതാക്കള്‍ ജെ.ഡി.എസ് നേതൃത്വവുമായി രഹസ്യ ചര്‍ച്ച നടത്തിയതായും സൂചനയുണ്ട്.
https://www.facebook.com/Malayalivartha
