മലയാളി നഴ്സിനേയും കാമുകനേയും നാടുകടത്തും
അവിഹിതബന്ധത്തില് കുഞ്ഞിന് ജന്മംനല്കിയ മലയാളിയായ നഴ്സിനും ദുബായിലെ പ്രമുഖവ്യവസായിക്കും തടവുശിക്ഷയും നാടുകടത്തലും. ദുബായ് ക്രിമിനല് കോടതിയുടേതാണ് വിധി. ഇവരുടെ ഭര്ത്താവ് നല്കിയ കേസിലാണ് വിധി. ഡി.എന്.എ. പരിശോധനയിലൂടെ കുഞ്ഞിന്റെ അച്ഛനെ തിരിച്ചറിഞ്ഞതിന് ശേഷമാണ് കോടതി വിധിപുറപ്പെടുവിച്ചത്.
ഇരുവര്ക്കും അവിഹിതബന്ധത്തിന് ആറു മാസം വീതം തടവും നാടുകടത്തലും വിധിച്ചതിനു പുറമെ, കുഞ്ഞിന് വ്യാജ രേഖകളുണ്ടാക്കി ഹെല്ത്ത് അതോറിറ്റിയെ കബളിപ്പിച്ചതിന് നഴ്സിന് ഒരുവര്ഷത്തെ തടവ് വേറെയും വിധിച്ചിട്ടുണ്ട്.
തൊടുപുഴ സ്വദേശിനിയാണ് കുറ്റക്കാരിയായ നഴ്സ്. ഇവരുടെ ഭര്ത്താവ് ജേക്കബ് ജോണ് തിരുവല്ല സ്വദേശിയാണെങ്കിലും മംഗലാപുരത്ത് സ്ഥിരതാമസമാണ്. ഇവര്ക്ക് നാട്ടില് ഒമ്പതാംക്ലാസില് പഠിക്കുന്ന ഒരു മകനുണ്ട്.
വിവാഹംകഴിഞ്ഞ് ദുബായില് വന്ന സ്ത്രീ പിന്നീട് ഭര്ത്താവുമായി അകലുകയായിരുന്നു. യുവതി വേര്പിരിഞ്ഞ് താമസം തുടങ്ങുകയും ജേക്കബ് ജോണ് ബ്രൂണെ, കുവൈത്ത് തുടങ്ങിയ രാജ്യങ്ങളിലായി ജോലി നോക്കുകയുംചെയ്തു. ഇതിനിടെയാണ് ഭാര്യ തന്റെ അഭാവത്തില് ഗര്ഭിണിയാവുകയും പ്രസവിക്കുകയും ചെയ്തതായി ഇയാള് അറിയുന്നത്.
അച്ഛന്റെ സ്ഥാനത്ത് തന്റെ പേര് നല്കിയതായും വ്യാജരേഖകള് ഉപയോഗിച്ച് പാസ്പോര്ട്ട് നേടിയെടുത്തതായും അന്വേഷണത്തില് മനസ്സിലായി. തുടര്ന്ന് ജോലിയുപേക്ഷിച്ച് ദുബായിലെത്തിയ ഇദ്ദേഹം ഭാര്യയ്ക്കും കാമുകനുമെതിരെ കേസ് ഫയല്ചെയ്തു.
അനുകൂലവിധി ലഭിച്ചതിനെത്തുടര്ന്ന്, ഭാര്യയുടെ കാമുകനെതിരെ നഷ്ടപരിഹാരത്തിന് കേസ് നല്കാനുള്ള ശ്രമത്തിലാണ് ജേക്കബ് ജോണ്. തന്റെ ഭാര്യയുമായി അവിഹിത ബന്ധമുണ്ടാക്കുകയും തനിക്ക് മാനഹാനിയുണ്ടാക്കുകയും ചെയ്ത കേസില് 20 ലക്ഷം ദിര്ഹമാണ് ഇയാള് ആവശ്യപ്പെടുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha