ദുബായില്‍ നടന്ന ഭാഗ്യ നറുക്കെടുപ്പില്‍ ദുബായിലെ 10 വിദേശ തൊഴിലാളികള്‍ക്ക് 36 ലക്ഷം ദിര്‍ഹമിന്റെ കാഷ്‌െ്രെപസ്. ഇന്ത്യ, ഫിലിപ്പീന്‍സ്, ഇന്തോനേഷ്യ എന്നിവിടങ്ങളില്‍നിന്നുള്ളവരാണ് വിജയികള്‍. ഇന്ത്യന്‍ പ്രവാസിയായ 38 കാരന്‍ ഗുര്‍മീത് സിംഗ് കൂട്ടുകാരുമായി ചേര്‍ന്നെടുത്ത ദുബായ് ഡ്യൂട്ടി ഫ്രീ മിലെനിയം മില്ല്യനയര്‍ ആന്റ് ഫൈനസ്റ്റ് സര്‍െ്രെപസ് എന്ന നറുക്കെടുപ്പിന്റെ ടിക്കറ്റാണ് സമ്മാനമടിച്ചത്.

ഇന്ത്യക്കാരും ഇന്തോനേഷ്യക്കാരും ഫിലിപ്പിനോകളുമടങ്ങുന്ന തന്റെ ഒമ്പത് കൂട്ടുകാരില്‍നിന്ന് പണം പിരിച്ചാണ് ഗുര്‍മീത് സിംഗ് ടിക്കറ്റെടുത്തത്. ചൊവ്വാഴ്ച നടന്ന സിംഗിന്റെ ടിക്കറ്റ് നമ്പരായ 1197 നാണ് സമ്മാനമടിച്ചത്. വര്‍ഷങ്ങളായി ഇത്തരം നറുക്കെടുപ്പുകളില്‍ പങ്കെടുക്കാറുള്ള സിംഗിന് ഇതാദ്യമായാണ് സമ്മാനം ലഭിക്കുന്നത്. ഇത്തവണ മാത്രമാണ് കൂട്ടുകാരെയും പങ്കാളിയാക്കി അദ്ദേഹം ടിക്കറ്റെടുത്തത്.

കാര്‍ ഷോറൂമില്‍ മാനേജറായ സിംഗ് 16 വര്‍ഷമായി ദുബായിലുണ്ട്. ഇത്തരം പ്രമോഷന്‍ പരിപാടികളില്‍ തനിക്ക് വലിയ താല്‍പര്യമാണെന്ന് സിംഗ് പറഞ്ഞു. ദുബായ് ഡ്യൂട്ടി ഫ്രീയില്‍ അത്ഭുതങ്ങളാണ് എപ്പോഴും സംഭവിക്കുകയെന്നും അദ്ദേഹം പറഞ്ഞു.