പ്രവാസികൾക്ക് ആശ്വാസമേകി കുവൈത്തിൽ വീണ്ടും വിസാ നിയമങ്ങളിൽ പരിഷ്കാരം; ഒരു മാസം മാത്രമായി ചുരുക്കിയ കുടുംബ സന്ദർശക വീസ കാലാവധി വീണ്ടും പഴയപടിയാക്കുന്നു
കുവൈത്തിൽ വീണ്ടും വിസാ നിയമങ്ങൾ പരിഷ്കരിച്ചു. മുൻപ് മൂന്ന് മാസം കാലാവധി ഉണ്ടായിരുന്ന ഭാര്യക്കും മക്കൾക്കുമുള്ള കുടുംബ സന്ദർശക വീസ കാലാവധി ഒരു മാസം മാത്രമായി ചുരുക്കിയിരുന്നു. എന്നാൽ ഈ നിയമം ഉപേക്ഷിച്ചു വീണ്ടും വീസ കാലാവധി മൂന്ന് മാസമാക്കിയിരിക്കുകയാണ് അധികൃതർ. ആഭ്യന്തരമന്ത്രാലയത്തിലെ പാസ്പോർട്ട്- പൗരത്വ വിഭാഗം അസി.അണ്ടർസെക്രട്ടറി മേജർ ജനറൽ ഷെയ്ഖ് ഫൈസൽ അൽ നവാഫ് അൽ സബാഹ് ആണ് ഇത് സംബന്ധിച്ച വിവരങ്ങൾ പുറത്തു വിട്ടത്.
അതേസമയം സഹോദരങ്ങൾ, മാതാവ്, പിതാവ് എന്നിവർക്കുള്ള കുടുംബ സന്ദർശക വീസ കാലാവധി ഒരുമാസം മാത്രമായിരിക്കുമെന്നും ആഭ്യന്തരമന്ത്രാലയം അറിയിച്ചിട്ടുണ്ട്.
ഭാര്യയുടെയും കുട്ടികളുടെയും കുടുംബ സന്ദർശക വീസയുടെ ഒരുമാസ കാലാവധി കഴിഞ്ഞാഴ്ച അവസാനിച്ച കേസുകളിൽ മൂന്ന് മാസത്തേക്ക് പുതിയ സന്ദർശക വീസ അനുവദിക്കുകയും ചെയ്യും. കുടുംബസമേതം കൂടുതൽ കാലം കഴിയുന്നതിന് അവസരം നൽകുന്നത് മാനുഷിക പരിഗണനയിലും പ്രാദേശിക വിപണിയിൽ ഗുണമുണ്ടാക്കുമെന്നതിനാലുമാണെന്ന് അദ്ദേഹം പറഞ്ഞു. എന്നാൽ വാണിജ്യ സന്ദർശക വീസ കാലാവധി ഒരുമാസം മാത്രമായിരിക്കും.
https://www.facebook.com/Malayalivartha