ഗള്‍ഫിലും തരംഗമായി തീവണ്ടി ; കേരളത്തിലും ജിസിസി രാജ്യങ്ങളിലും വിജയക്കുതിപ്പ് നടത്തുന്ന ചിത്രത്തിന്റെ യുകെ-യൂറോപ്പ് റിലീസ് തീയതി പുറത്തുവിട്ടു
ടൊവിനോ തോമസിനെ നായകനാക്കി ഫെല്ലിനി സംവിധാനം ചെയ്‌ത തീവണ്ടി തിയേറ്ററുകള്‍ കീഴടക്കി വിജയകുതിപ്പ് നടത്തുകയാണ്. കേരളത്തിലും ജിസിസി രാജ്യങ്ങളിലും വിജയക്കുതിപ്പ് നടത്തുന്ന ചിത്രത്തിന്റെ യുകെ-യൂറോപ്പ് റിലീസ് തീയതികളും പുറത്തുവിട്ടിരിക്കുകയാണ്. സെപ്റ്റംബര്‍ 20നാണ് ആദ്യ റിലീസ്.
തൊഴില്‍രഹിതനായ ബിനീഷ് എന്ന കഥാപാത്രത്തെയാണ് ടൊവിനോ ചിത്രത്തിൽ അവതരിപ്പിക്കുന്നത്. പുതുമുക നടിയായ സംയുക്ത മേനോനാണ് ചിത്രത്തില്‍ നായിക. കൂടാതെ, സുരാജ് വെഞ്ഞാറമൂട്, സൈജു കുറുപ്പ്, സുരഭി ലക്ഷ്മി, സുധീഷ് തുടങ്ങിയവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.
കേരളത്തില്‍ നിറഞ്ഞ സദസ്സില്‍ പ്രദര്‍ശനം തുടരുന്ന ടൊവീനോ തോമസ് നായകനായ പുതിയ ചിത്രം തീവണ്ടി ഗള്‍ഫിലും തരംഗമായി. ചിത്രം കാണാന്‍ ഗള്‍ഫിലെ തിയറ്ററുകളില്‍ വന്‍ തിരക്കാണ് അനുഭവപ്പെടുന്നത്. ഏറെ കാലത്തിന് ശേഷമാണ് ഗള്‍ഫിലെ തിയറ്ററുകള്‍ ഇങ്ങനെ നിറഞ്ഞതെന്ന് അധികൃതര്‍ പറയുന്നു. ചിത്രം ഗള്‍ഫിലും സൂപ്പര്‍ ഹിറ്റാകുമെന്നാണ് പ്രതീക്ഷയെന്ന് വിതരണക്കാരായ വേള്‍ഡ് വൈഡ് ഫിലിംസ് സ്ഥാപകനും ചെയര്‍മാനുമായ ബ്രിജീഷ് മുഹമ്മദ്, എംഡി നൗഫല്‍ അഹമ്മദ് എന്നിവര്‍ പറഞ്ഞു. യുഎഇ, ഒമാന്‍, ബഹ്‌റൈന്‍, എന്നീ രാജ്യങ്ങളിലാണ് ചിത്രം ഇന്ന് റിലീസായത്. ഖത്തറില്‍ ഈ മാസം 20നാണ് റിലീസ്. യുഎഇയിലെ വോക്‌സ്, നോവോ, സിനിറോയല്‍, അല്‍ മറിയാ സിനിമാസിലെ 18 തിയറ്ററുകളിലാണ് ചിത്രം പ്രദര്‍ശിപ്പിക്കുന്നത്. ഒമാനിലെ എട്ട്, കുവൈത്തില്‍ മൂന്ന്, ബഹ്‌റൈനില്‍ ഒരു തിയറ്റര്‍ എന്നിങ്ങനെയാണ് പ്രദര്‍ശനം. ഗള്‍ഫിലെ വിതരണക്കാരായ വേള്‍ഡ് വൈഡ് ഫിലിംസ് ഇന്നലെ(ബുധന്‍) ചിത്രം ദുബായില്‍ പ്രിമിയര്‍ പ്രദര്‍ശനം നടത്തിയിരുന്നു.
https://www.facebook.com/Malayalivartha
