സൗദിയില്‍ നഴ്‌സായ തിരുവനന്തപുരം പള്ളിക്കല്‍ സ്വദേശിനി നീനയെ ആത്മഹത്യ ചെയ്ത നിലയില്‍ കണ്ടെത്തി. ന്നാമ്മാം ഹുഫൂഫില്‍ ജോലിചെയ്യുന്ന നീനയെ താമസ സ്ഥലത്താണ് ആത്മഹത്യ ചെയ്ത നിലയില്‍ കണ്ടെത്തിയത്.

മൂന്ന് വര്‍ഷമായി അല്‍ഹസ്സയിലെ ഹെല്‍ത്ത് സെന്ററില്‍ നേഴ്‌സായി ജോലി ചെയ്യുകയായിരുന്നു നീന. അവധിയിലായിരുന്ന നീന വിവഹ നിശ്ചയം കഴിഞ്ഞ് കഴിഞ്ഞ മാസമാണ് ജോലിക്ക് തിരിച്ചെത്തിയത്. അമ്മക്ക് സുഖമില്ലാത്ത കാരണത്താല്‍ നാട്ടില്‍ പോകാനായി നീന വീണ്ടും അവധി ആവശ്യപ്പെട്ടിരുന്നെന്നും എന്നാല്‍ അധികൃതര്‍ അനുമതി നല്‍കിയില്ല. ഇതില്‍ മനംനൊന്ത് ആത്മഹത്യ ചെയ്തതാണെന്നും അഭ്യൂഹമുണ്ട്.

ഇതാണോ മരണ കാരണമെന്ന് അന്വേഷിക്കാനും ആലോചനയുണ്ട്. കശുവണ്ടി തൊഴിലാളി നളിനിയാണ് അമ്മ. ഏക സഹോദരന്‍ വിഷ്ണു. പിതാവ് തമ്പ നേരത്തെ ഇവരെ ഉപേക്ഷിച്ചു പോയിരുന്നു. ഹുഫൂഫ് കിംഗ് ഫഹദ് ആശുപത്രിയില്‍ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാനുള്ള നടപടിക്രമങ്ങള്‍ നവയുഗം സാംസ്‌കാരിക വേദി പ്രവര്‍ത്തകന്‍ ലത്തീഫ് മൈനാഗപ്പള്ളിയുടെ നേതൃത്വത്തില്‍ ആരംഭിച്ചിട്ടുണ്ട്.