ജിദ്ദയിൽ ആത്മഹത്യയ്ക്ക് ശ്രമിച്ച യുവാവിനെ പിന്തിരിപ്പിച്ച പോലീസ് ഉദ്യോഗസ്ഥർക്ക് അഭിനന്ദന പ്രവാഹം. പാലത്തിന് മുകളിൽ നിന്ന് താഴേയ്ക്ക് ചാടി ആത്മഹത്യ ചെയ്യാൻ തുനിഞ്ഞ യുവാവിനെ പോലീസ് ഉദ്യോഗസ്ഥർ അതി സാഹസികമായാണ് ആത്മഹത്യയിൽ നിന്ന് പിന്തിരിപ്പിച്ചത്.

ജിദ്ദയുടെ തെക്ക്​​ അൽഖൈർ പാലത്തിനു മുകളിൽ നിന്നാണ്​ 33കാരൻ താഴേക്ക്​ ചാടാൻ​ ശ്രമിച്ചത്​. സ്ഥലത്തെത്തിയ പൊലീസ്​ ഉദ്യോഗസ്​ഥർ ഇടപ്പെട്ട് ഇയാളെ സാന്ത്വനിപ്പിച്ച് കരയിൽ കയറ്റുകയായിരുന്നു. അതേസമയം ചാടാനൊരുങ്ങി ഇയാൾ പാലത്തിന്​ മുകളിൽ നിൽക്കുന്ന വീഡിയോ സമൂഹമാധ്യമങ്ങളിൽ ഇപ്പോൾ വൈറലാവുകയാണ്.

പോലീസ് രക്ഷപ്പെടുത്തിയ ഇയാൾ ഏത്​ രാജ്യക്കാരനാണെന്ന്​​ വ്യക്​തമല്ല.​ ഇയാളെ ചോദ്യം ചെയ്​തുവരികയാണ്​. യുവാവി​ന്റെ ആത്മഹത്യ ശ്രമം വിഫലമാക്കിയ പൊലീസ്​ പെട്രോളിങ്​ ഉദ്യോഗസ്​ഥരെ ജിദ്ദ ഗവർണർ അമീർ മിശ്​അൽ ബിൻ മാജിദ്​ അഭിനന്ദിച്ചു. ധീരമായ ഇടപെടലാണ്​ പെട്രോളിങ്​ പൊലീസ്​ നടത്തികൊണ്ടിരിക്കുന്നതെന്നും ഗവർണർ പറഞ്ഞു.