സോഷ്യൽ മീഡിയയിൽ മുഴുകിയിരിക്കുന്നവർ ജാഗ്രത ! ; വ്യാജന്മാരുടെ തട്ടിപ്പിന് ഇരയാകരുതെന്ന് യുഎഇ ടെലികോം റെഗുലേറ്ററിയുടെ മുന്നറിയിപ്പ്
സമൂഹമാധ്യമങ്ങൾ ഉപയോഗിക്കുമ്പോൾ കൂടുതൽ ജാഗ്രത പുലർത്തണമെന്ന് യുഎഇ യിലെ പൊതുജനങ്ങള്ക്ക് ടെലികോം റെഗുലേറ്ററി അതോറിറ്റിയുടെ നിർദ്ദേശം. ഇത്തരത്തിലുളള സംവിധാനം ഉപയോഗപ്പെടുത്തുമ്പോൾ വ്യാജ വ്യക്തിത്വങ്ങളെ കരുതിയിരിക്കണമെന്നും ടെലികോം റെഗുലേറ്ററി മുന്നറിയിപ്പ് നല്കി.
സോഷ്യല് മീഡിയ ഇടങ്ങളില് വ്യാജ അക്കൗണ്ടുകള് നിര്മ്മിച്ച് മറ്റുളളവരെ കബളിപ്പിച്ച് പണം തട്ടുന്ന വിഭാഗം പെരുകിയിട്ടുണ്ട് ഇത്തരക്കാരുടെ തട്ടിപ്പില് വീഴരുത്. സോഷ്യല് മീഡിയ ഇടത്തില് പ്രശസ്തരുടെ വ്യാജ വിലാസത്തിലാണ് ഇത്തരക്കാര് സമീപിക്കുക. പിന്നീട് സൗഹൃദവും വിശ്വാസവും പിടിച്ച് പറ്റിയതിന് ശേഷമാണ് പണം തട്ടുന്നതിനുളള തന്ത്രങ്ങള് മെനയുന്നത്. പണത്തിന് താല്ക്കാലികമായി ബുദ്ധിമുട്ടുണ്ടെന്നും സഹായിച്ചാല് ഉടന് തിരികെ നല്കാം എന്നൊക്കെ പറഞ്ഞായിരിക്കും പണം തട്ടുക. സമാന രീതിയില് ദുബായിലെ ഒരു സ്ത്രീക്ക് പണം നഷ്ടപ്പെടുകയുണ്ടായെന്നും ടെലികോം റെഗുലേറ്ററി ഓർമ്മപ്പെടുത്തുന്നു.
ഏകദേശം 5000 ത്തോളം വ്യാജ അക്കൗണ്ടുകളെ നൂതന സാങ്കേതിക വിദ്യയിലൂടെ ദുബായ് പോലീസ് നിര്വീര്യമാര്യക്കിയിട്ടുണ്ട്. ഇത്തരക്കാരെ തുരത്തുന്നതിനായി എത്തിസലാത്ത് സേവന ദാതാക്കളുമായും ദുബായ് പോലീസ് കെെകോര്ത്തിട്ടുമുണ്ട്.
https://www.facebook.com/Malayalivartha