സൗദിയിലേക്ക് ഗാര്ഹിക തൊഴിലാളികളെ റിക്രൂട്ട് ചെയ്യുന്നതിനുള്ള കരാര് വ്യവസ്ഥകള് ഇന്ത്യന് എംബസി തയ്യാറാക്കി
ഇന്ത്യയില് നിന്ന് സൗദിയിലേക്ക് ഗാര്ഹിക തൊഴിലാളികളെ റിക്രൂട്ട് ചെയ്യുന്നതിനുള്ള കരാര് വ്യവസ്ഥകള് ഇന്ത്യന് എംബസി തയ്യാറാക്കി. ഗാര്ഹിക തൊഴിലാളികള്ക്ക് തുടക്കത്തില് 1500 റിയാല് മിനിമം വേതനം ഉറപ്പ് വരുത്താനും പ്രതിവര്ഷം മിനിമം വേതനം പരിഷ്കരിക്കാനും ഉള്ള നടപടികള് സ്വീകരിച്ചതായും ഇന്ത്യന് എംബസി അറിയിച്ചു. ഇന്ത്യയില്നിന്നും ഗാര്ഹിക തൊഴിലാളികളെ റിക്രൂട്ട് ചെയ്യാനുളള 22 വ്യവസ്ഥകളടങ്ങുന്ന കരാറാണ് തയ്യാറായത്.
ഇന്ത്യന് എംബസിയില് വിളിച്ചുചേര്ത്ത സാമൂഹിക പ്രവര്കരുടെ പ്രത്യേക യോഗത്തിലാണ് ഡിസിഎം സിബി ജോര്ജ് കരാര് പുറത്തുവിട്ടത്. തൊഴിലുടമയുടെയും തൊഴിലാളിയുടെയും അവകാശങ്ങളും താല്പര്യങ്ങളും സംരക്ഷിക്കുന്ന കരാര് വൈകാതെ പ്രാബല്യത്തിലാകുമെന്ന് ഡി.സി.എം അറിയിച്ചു. ഗാര്ഹിക തൊഴില് മേഖലയിലെത്തുന്നവര്ക്ക് തുടക്കത്തില് 1500 റിയാല് മിനിമം വേതനം ലഭ്യമാക്കും. എല്ലാ വര്ഷവും വേതനം പരിഷ്കരിക്കാന് സാധിക്കുന്ന വ്യവസ്ഥയോടെയാണ് കരാര് തയ്യാറാക്കിയത്. അതത് വര്ഷളില് ഇന്ത്യന് എംബസി നിചപ്പെടുത്തുന്ന തുകയായിരിക്കും മിനിമം വേതനമായി കരാറില് രേഖപ്പെടുക.
തൊഴിലുടമ റിക്രൂട്ടിംങ് ഏജന്സി മുഖേന ഇന്ത്യന് എംബസിയില്നിന്നും തൊഴില് കരാര് സാക്ഷ്യപ്പെടുത്തിയിരിക്കണ എന്നിവയും വ്യവസ്ഥകളാണ്. പിന്നീട് തൊഴിലാളിയും ഇതേ കരാറില് ഒപ്പുവെക്കണം. തൊഴിലാളിയുമായി ഇന്ത്യന് എംബസി നേരിട്ട് ടെലഫോണ് മുഖേന ബന്ധപ്പെട്ട് കരാര് വ്യവസ്ഥകളെ കുറിച്ച് ഉറപ്പ് വരുത്തും. തൊഴിലാളിയുടെയും തൊഴിലുടമയുടെയും ഇന്ത്യയിലെയും സൗദിയിലെയും റിക്രൂട്ടിംങ് ഏജന്സിയുടെയും പൂര്ണവിവരങ്ങള് കരാര് പത്രത്തോടൊപ്പമുള്ള ആദ്യ ഭാഗത്തില് ശേഖരിക്കും. തൊഴില് കരാറിന് രണ്ട് വര്ഷത്തെ കാലവധിയാണ് ഉണ്ടാവുക.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha