വാഹനാപകടത്തിൽ ഒരു പ്രവാസി മലയാളി കൊല്ലപ്പെട്ടിരിക്കുന്നു. പാലക്കാട് പട്ടാമ്പി മരുതൂർ സ്വദേശി പന്നിയൻ കുന്നത്ത് മുഹമ്മദ് ഷരീഫ് (48) ആണ് മരിച്ചത്അൽഖോബാറിൽ റോഡ് മുറിച്ച് കടക്കുന്നതിനിടെയായിരുന്നു ഇദേഹത്തെ വാഹനമിടിച്ചത്. വാഹനമിടിച്ചതിന് പിന്നാലെ ഇദ്ദേഹം അധാവസ്ഥയിലായി. പിന്നീട് ഇദ്ദേഹം മരിക്കുകയായിരുന്നു. കഴിഞ്ഞ ശനിയാഴ്ച്ച വൈകുന്നേരമായിരുന്നു വാഹനാപകടം ഉണ്ടായത്. ജലവി പാർക്കിന്നടുത്തുള്ള റോഡ് മുറിച്ച് കടക്കുന്നതിന്നിടയിലായിരുന്നു സംഭവം. ജലവി പാർക്കിന്നടുത്തുള്ള റോഡ്യൂ ടേൺ ചെയ്തു വന്ന വ്യക്തിയുടെ വാഹനമിടിക്കുകയായിരുന്നു. സുഡാനി സ്വദേശിയാണ് വാഹനമോടിച്ചിരുന്നത്.

വാഹനമിടിച്ചതിന്റെ പിന്നാലെ മുഹമ്മദ് ഷരീഫിൻറെ തലക്കും മുഖത്തും ഗുരുതരമായി പരിക്ക് പറ്റിയിരുന്നു. പരിക്ക് സംഭവിച്ച മുഹമ്മദ് ശരീഫിനെ ഉടൻ തന്നെ ദോസരി ഹോസ്പിറ്റലിൽ എത്തിച്ചു. ഇദ്ദേഹതിൻറെ നില ഗുരുതരമായിരുന്നതിനാൽ ഉടനെ തീവ്രപരിചരണ വിഭാഗത്തിൽ നീരീക്ഷണത്തിലായിരുന്നു ശരീഫ്. എന്നാൽ വെള്ളിയാഴ്ച്ചയോടെ ഇദ്ദേഹം മരിക്കുകയായിരുന്നു. എന്നാൽ മൃതദേഹം നാട്ടിലേക്ക് കൊണ്ട് പോകാനുള്ള നടപടികൾ പുരോഗമിക്കുകയാണ്.

അൽഖോബാറിലെ ഐ.എസ്.സി കമ്പനി മെയിൻറനൻസ് സൂപ്പർ വൈസറായി ജോലി ചെയ്യുകയായിരുന്നു മുഹമ്മദ് ഷരീഫ്. അദ്ദേഹത്തിന്റെ പിതാവ് മുഹമ്മദാണ്. ഖദീജയാണ് മാതാവ്. ഭാര്യ: റസിയ ബീഗം, മക്കൾ: ഹന്ന ബിരുദം വിദ്യാർത്ഥിയാണ്. ഫിദൽ 8-ാം ക്ലാസിൽ പഠിക്കുന്നു .അദേഹത്തിന്റെ സഹോദരങ്ങൾ: നാസർ, അലി എന്നിവർ ദുബായിലാണ്.