പൊള്ളലേറ്റ് ആശുപത്രിയില് ഗുരുതരാവസ്ഥയില് കഴിയുകയായിരുന്ന പ്രവാസി മലയാളി യുവാവ് മരിച്ചു.. കുടുംബത്തിന്റെ ഏക ആശ്രയമായിരുന്ന സത്താര് ഈ മാസം നാട്ടില് വരാനിരിക്കെയായിരുന്നു ഈ ദുരന്തം
പൊള്ളലേറ്റ് ആശുപത്രിയില് ഗുരുതരാവസ്ഥയില് കഴിയുകയായിരുന്ന പ്രവാസി മലയാളി യുവാവ് മരിച്ചു. ആലപ്പുഴ ലജനത്ത് വാര്ഡില് ഹംസകുട്ടി സത്താര് സിയാദ്(47) ആണ് മരിച്ചത്. റിയാദ് ശുമേസി ആശുപത്രിയിലെ തീവ്രപരിചരണ വിഭാഗത്തില് ഗുരുതരാവസ്ഥയില് കഴിയുകയായിരുന്നു. ന്യൂ ഇന്ഡസ്ട്രിയല് ഏരിയയിലുളള അല്മ ഗ്ളാസ് ആന്റ് അലൂമിനിയം കമ്പനിയില് ജീവനക്കാരനാണ്.
കഴിഞ്ഞ ദിവസം രാത്രി താമസ സ്ഥലത്തുവെച്ചാണ് പൊളളലേറ്റത്. സഹപ്രവര്ത്തകനായ മറ്റൊരാള്ക്കും പൊളളലേറ്റു. പൊലീസും ഫയര്ഫോഴ്സും സ്ഥലത്തെത്തിയിരുന്നു. റെഡ് ക്രസന്റ് ആംബുലന്സിലാണ് ഹംസകുട്ടി സത്താര് സിയാദിനെ ആശുപത്രിയിലെത്തിച്ചത്. സംഭവത്തില് അസ്വഭാവികത ഉണ്ടെന്നാണ് പ്രാഥമിക നിഗമനം.
അഗ്നിബാധയുടെ കാരണവും മനപൂര്വം അപായപ്പെടുത്താന് ശ്രമം നടന്നോ എന്നതും പൊലീസ് അന്വേഷിച്ചുവരുകയാണ്. നീണ്ട നാള് പ്രവാസിയായിരുന്ന സിയാദ്ഈ മാസം 20 ന് നാട്ടില് വരാനിരിക്കെയാണ് അപകടമുണ്ടായത്.
https://www.facebook.com/Malayalivartha
