ഇസ്രായേൽ വിഷയത്തിൽ നിലപാട് കടുപ്പിച്ച് സൗദി ...ഇസ്രയേലിന്റേത് അനധികൃത കുടിയേറ്റം തന്നെ ആണെന്ന നിലപാടാണ് സൗദിയ്ക്ക്. വെസ്റ്റ് ബാങ്കിലെ ഇസ്രയേൽ അധിനിവേശവുമായി ബന്ധപ്പെട്ട അമേരിക്കയുടെ പ്രസ്താവനയെ സൌദി ഭരണകൂടം തള്ളി. സല്‍മാന്‍ രാജാവിന്റെ അധ്യക്ഷതയില്‍ ചേര്‍ന്ന മന്ത്രി സഭായോഗത്തിലാണ് അമേരിക്കയുടെ പ്രസ്താവനയെ തള്ളിയത്. ആണവ പദ്ധതിയുമായി ബന്ധപ്പെട്ട് ഇറാന്‍ തുടരുന്ന നിയമ ലംഘനങ്ങളെയും മന്ത്രിസഭ അപലപിച്ചു. അമേരിക്കയുടെ പ്രസ്താവനയെ പൂർണമായും നിരാകരിച്ചത്.

വെസ്റ്റ് ബാങ്കിൽ ഇസ്രായേൽ താമസ കേന്ദ്രങ്ങൾ ഒരുക്കുന്നത് അന്താരാഷ്ട്ര നിയമത്തിന് വിരുദ്ധമാണ്. അറബ് സമാധാന ശ്രമങ്ങളുടെയും അന്താരാഷ്ട്ര നിയമങ്ങളുടെയും അടിസ്ഥാനത്തിൽ ഫലസ്തീൻ ജനതക്ക് നിയമാനുസൃത അവകാശം പൂർണമായും ലഭിക്കേണ്ടതുണ്ട്. ശ്വാശ്വത സമാധാനം കൈവരിക്കുന്നതിന് ഇത് അതാവശ്യമാണെന്നും മന്ത്രി സഭ വ്യക്തമാക്കി.സൌദി ഭരണാധികാരി സൽമാൻ രാജാവിൻെറ അധ്യക്ഷതയിൽ റിയാദിലെ യമാമ കൊട്ടാരത്തിൽ ചേർന്ന മന്ത്രിസഭാ യോഗത്തിലാണ് ഇസ്രായേൽ വാസസ്ഥലങ്ങളുമായി ബന്ധപ്പെട്ട് അമേരിക്ക നടത്തിയ പ്രസ്താവനകളെ പൂർണമായും നിരസിക്കുന്നതായി ആവർത്തിച്ചു വ്യക്തമാക്കിയത്.

അമേരിക്കയുടെ ഇരട്ടത്താപ്പിനെതിരെ ഐക്യരാഷ്ട്ര സഭയും നേരത്തെ ഖേദം രേഖപ്പെടുത്തിയിരുന്നു തങ്ങളുടെ നിലപാട് വൃക്തമാക്കിയിരുന്നു . ഇക്കാര്യത്തിൽ യു.എൻ നിലപാടിൽ യാതൊരുവിധ മാറ്റവുമില്ലെന്നും ഐക്യരാഷ്ട്ര സഭാ സെക്രട്ടറി ജനറൽ വ്യക്തമാക്കിയതാണ്. സൗദി മന്ത്രിസഭാ ആണവ പദ്ധതിയുമായി ബന്ധപ്പെട്ട അന്താരാഷ്ട്ര തീരുമാനങ്ങളും ഉടമ്പടികളും അംഗീകരിക്കാതെ ഇറാൻ തുടരുന്ന നിയമ ലംഘനങ്ങളെയും കടുത്ത ഭാഷയിൽ വിമർശിച്ചു.