പ്രവാസലോകത്ത് നിന്നും പുറത്ത് വരുന്ന ഈ വാർത്ത ഏവരെയും ഞെട്ടിക്കുന്നത് . താമസ സ്ഥലത്ത് തന്റെ കട്ടിലില്‍ കിടന്നുറങ്ങിയെന്നാരോപിച്ച് സുഹൃത്തിനെ കൊലപ്പെടുത്തി, കൊലപ്പെടുത്തിയ പ്രവാസിക്ക് കോടതി ശിക്ഷ വിധിച്ചു. മൂന്ന് വര്‍ഷത്തെ ജയില്‍ ശിക്ഷയും തുടര്‍ന്ന് ഇയാളെ നാടുകടത്താനുമാണ് ദുബായ് ക്രിമിനല്‍ കോടതിയുടെ ഉത്തരവ്. അതേസമയം കൊലപ്പെടുത്തണമെന്ന ഉദ്ദേശത്തോടെയല്ല സുഹൃത്തിനെ മര്‍ദിച്ചതെന്ന് പ്രതി കോടതിയില്‍ പറഞ്ഞത്.

എന്തായാലും മാപ്പ് അർഹിക്കാത്ത കുറ്റം തന്നെയാണ് ഈ വ്യക്തിയുടെ ഭാഗത്ത് നിന്നും ഉണ്ടായത്. ആരും ഈ ലോകത്ത് അക്രമക്കാരിയായി ജനിക്കുന്നില്ല, ഭൂമിയിലേയ്ക്ക് ആരും തന്നെ ക്രിമിനലായി പിറക്കുന്നില്ല, സാഹചര്യമാണ് പലപ്പോഴും പലരെയും കുറ്റവാളിയാക്കി മാറ്റുന്നത് . എന്ത് സാഹചര്യം ഉണ്ടായാലും ഇത്തരത്തിലുള്ള കുറ്റകൃത്യങ്ങൾ ചെയ്യാൻ പാടില്ല. അങ്ങനെ കുറ്റം ചെയ്യുന്നവർക്ക് മാതൃകാപരമായ ആരും ഭയക്കുന്ന തരത്തിൽ കടുത്ത ശിക്ഷ തന്നെ കൊടുക്കണം.

അല്‍ഖൂസ് ഇന്‍ഡസ്ട്രിയല്‍ സോണിലെ തൊഴിലാളികളുടെ താമസ സ്ഥലത്തായിരുന്നു സംഭവം. ഒപ്പം താമസിച്ചിരുന്ന സുഹൃത്ത് തന്റെ കട്ടിലില്‍ കിടന്നുറങ്ങിയതിനാണ് പ്രതി മര്‍ദിച്ചത്. സുഹൃത്തിനെ മര്‍ദിച്ചുവെന്ന് പ്രതി സമ്മതിച്ചുവെങ്കിലും ഇത് കൊലപ്പെടുത്തണമെന്ന ഉദ്ദേശത്തോടെയല്ലായിരുന്നുവെന്ന് കോടതിയില്‍ അദ്ദേഹം പറഞ്ഞു. അടുത്ത ദിവസം രാവിലെ എഴുന്നേറ്റപ്പോഴാണ് സുഹൃത്ത് മരിച്ച വിവരം അറിഞ്ഞത്. മുറിക്ക് പുറത്ത് മൃതദേഹം കണ്ട മറ്റ് തൊഴിലാളികള്‍ പൊലീസിനെ വിളിക്കാന്‍ തുടങ്ങിയതോടെ പ്രതി സ്ഥലത്തുനിന്ന് രക്ഷപെടുകയായിരുന്നു. ഇയാള്‍ പിന്നീട് പൊലീസ് കണ്ടെത്തി അറസ്റ്റ് ചെയ്തു.