സൗദി എയർലൈൻസ് തങ്ങളുടെ നയം വ്യക്തമാകുകയാണ് അന്താരാഷ്ട്ര റൂട്ടുകളിൽ സൗജന്യ ബാഗേജ് ആനുകൂല്യം വെട്ടിച്ചുരുക്കിയിരിക്കുകയാണ് .....ഇക്കണോമി ക്ലാസ് ടിക്കറ്റിൽ ഏറ്റവും കുറഞ്ഞ നിരക്കിലാണ് ബാഗേജിെൻറ എണ്ണം ചുരുക്കിയിരിക്കുന്നത്. ബുധനാഴ്ച മുതൽ ഇഷ്യൂ ചെയ്ത ടിക്കറ്റുകൾക്കാണ് ഇത്തരത്തിൽ നിയമം ബാധകമാവുക. പ്രിയപ്പെട്ടവർക്കായി പ്രവാസമണ്ണിൽ നിന്നും നാട്ടിലേയ്ക്ക് ഇഷ്ട്ടമുള്ള ഒരുപാട് വസ്തുക്കൾ കൊണ്ടുവരാൻ സാധിക്കില്ല എന്ന് ചുരുക്കം.

സൗദിയിൽനിന്നുള്ള അന്താരാഷ്ട്ര റൂട്ടുകളിൽ നേരേത്ത അനുവദിച്ചിരുന്ന സൗജന്യ ബാഗേജ് ആനുകൂല്യമാണ് സൗദി എയർലൈൻസ് വെട്ടിച്ചുരുക്കിയത്. ഇക്കണോമി ക്ലാസ് ടിക്കറ്റിൽ എല്ലാ കാറ്റഗറികൾക്കും നേരേത്ത ഏഴു കിലോ ഹാൻഡ് ബാഗും 23 കിലോ ഭാരമുള്ള രണ്ടു വീതം ചെക്ക്ഡ് ബാഗേജുകളും അനുവദിച്ചിരുന്നു. എന്നാൽ, ഇനിമുതൽ എക്കണോമി ക്ലാസ് ടിക്കറ്റ് വിഭാഗത്തിൽ സേവർ എന്ന ഏറ്റവും നിരക്ക് കുറഞ്ഞ ‘യു’ സീരീസ് ടിക്കറ്റിൽ ഏഴു കിലോ ഹാൻഡ് ബാഗ് മാത്രമേ അനുവദിക്കൂ. അതേസമയംനേരേത്ത ടിക്കറ്റ് എടുത്ത യാത്രക്കാർക്ക് പഴയ രീതിയിൽതന്നെ ലഗേജുകൾ കൊണ്ടുപോവാമെന്നും എന്നാൽ ബുധനാഴ്ച മുതൽ ഇഷ്യൂ ചെയ്യുന്ന ടിക്കറ്റുകൾക്കാണ് പുതിയ നിയമം ബാധകമാവുകയെന്നും സൗദി എയർലൈൻസ് വൃത്തങ്ങൾ അറിയിച്ചു.