പ്രവാസലോകത്ത് എതിരാളികൾ ഇല്ലാതെ യു എ ഇ മുന്നിൽ...!
പ്രവാസലോകത്ത് എതിരാളികൾ ഇല്ലാതെ യു എ ഇ കുതിക്കുന്ന വാർത്തയാണ് പ്രവാസലോകത്ത് നിന്നും പുറത്ത് വരുന്നത് . ഈ വർഷം യു.എ.ഇ.ക്ക് നേട്ടങ്ങളുടെ വർഷമായിരുന്നു. ലോകത്തിലെ വിവിധ ഏജൻസികൾ നടത്തിയ ഒട്ടേറെ പഠനങ്ങളിൽ ഭരണമികവിലും ജീവിതനിലവാരത്തിലുമൊക്കെ യു.എ.ഇ.യുടെ മുന്നേറ്റമാണ് പ്രകടമാവുന്നത്. ട്വിറ്ററുമായുള്ള സംഭാഷണത്തിൽ യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ്ബിൻ റാഷിദ് അൽമക്തൂം തന്നെയാണ് യു.എ.ഇ. യുടെ നേട്ടങ്ങളുടെ പട്ടിക പുറത്തുവിട്ടത്.
2019- ൽ യു.എ.ഇ നേടിയ മികവിന്റെ പട്ടികയുമായി ഫെഡറൽ കോംപറ്റീവ്‌നെസ് ആൻഡ് സ്‌ററാറ്റിസ്റ്റിക്‌സ് അതോറിറ്റി പുറത്തിറക്കിയ വീഡിയോ പങ്കുവെച്ചാണ് ശൈഖ് മുഹമ്മദ് രാജ്യത്തിന്റെ തിളക്കം ലോകത്തോട് പ്രഖ്യാപിച്ചത്. പട്ടികയിൽ പതിമൂന്ന് ഇനങ്ങളിലാണ് യു.എ.ഇ മികച്ച രാജ്യങ്ങളുടെ കൂട്ടത്തിലേക്ക് കയറിയത്. വൈദഗ്ധ്യം ലഭ്യമാക്കുന്നതിൽ മികച്ച രാജ്യം, മികച്ച പൊതു- സ്വകാര്യമേഖലാപങ്കാളിത്തം, ഏറ്റവുംകുറഞ്ഞ സർക്കാർ ബ്യൂറോക്രസി, ഏറ്റവുംലളിതമായ കുടിയേറ്റനിയമം, സാമൂഹിക ഉത്തരവാദിത്വം നിറവേററുന്നതിലെ കൃത്യത തുടങ്ങിയ മേഖലകളിലെല്ലാം റിപ്പോർട്ട് അനുസരിച്ച് യു.എ.ഇ മികവുള്ള രാജ്യമാണ്.
https://www.facebook.com/Malayalivartha
