കുവൈത്തില്‍ സിറ്റിയില്‍ കനത്ത മഴ തുടരുന്നു. പലഭാഗങ്ങളിലും വെള്ളക്കെട്ട് അനുഭവപ്പെട്ടു. ഇന്നലെ രാവിലെ തൊട്ട് പല ഭാഗങ്ങളിലും മഴപെയ്തു. പകല്‍ മുഴുവന്‍ മൂടിക്കെട്ടിയ അന്തരീക്ഷമായിരുന്നു. ഇടിമിന്നലും കാറ്റും മഴയ്ക്ക് അകമ്പടിയായി. രാത്രിയോടെയാണ് പലഭാഗങ്ങളിലും റോഡില്‍ വെള്ളക്കെട്ട് അനുഭവപ്പെട്ടത്. റോഡില്‍ കുടുങ്ങിയ വാഹനങ്ങളെ സഹായിക്കാന്‍ അഗ്‌നിശമന സേനയുടെയും പൊലീസും രംഗത്തെത്തി.