ഇനി വിദേശത്തേക്ക് നമ്മുടെ വാഹനമോടിച്ച് യാത്ര ചെയ്യാം; ഇന്ത്യയില് മറ്റു രാജ്യങ്ങളിലേക്ക് പോകാന് കഴിയുന്നത് ഇവിടങ്ങളില്
നമ്മുടെ വാഹനത്തില് നമ്മുടെ രാജ്യത്ത് മാത്രമല്ല മറ്റു രാജ്യങ്ങളിലും സഞ്ചരിക്കാനാകും ചിലര്ക്ക് ഇതു സംബന്ധിച്ച് അറിവുണ്ടെങ്കിലും. റോഡ് മാര്ഗം ലോകം ചുറ്റാനാകുന്നവര്ക്ക് ഇത് ഗുണം ചെയ്യും. ഒരു വിദേശ നാട്ടിലേക്ക് സ്വയം വാഹനമോടിച്ച് പോവുക എന്നത് തികച്ചും സാഹസികതയാണെങ്കിലും, കൃത്യമായ പ്ലാന് ഉണ്ടെങ്കില് ഈ രാജ്യങ്ങളിലൂടെ എല്ലാം സുഖമായി യാത്ര ചെയ്യാം, ഇന്ത്യ 6 രാജ്യങ്ങളുമായിട്ടാണ് അതിര്ത്തികള് പങ്കിടുന്നത്. എല്ലാ രാജ്യങ്ങളിലും കൃത്യമായ നിയന്ത്രണങ്ങളുണ്ട്. സ്വന്തം വാഹനത്തില് റോഡ് മാര്ഗ്ഗം പ്രവേശിക്കാന് ഏറ്റവും എളുപ്പമുള്ള ചില രാജ്യങ്ങളേതൊക്കെ എന്ന് പരിശോധിക്കാം,,,,
ആദ്യത്തേത് സിംഗപ്പൂര്, ഡല്ഹിയില് നിന്നും 5,000 കിലോമീറ്റര് ദൂരംമാണ് ഇവിടേക്ക്, 22 ദിവസം എടുക്കും റോഡ് മാര്ഗ്ഗം ഇവിടെ എത്താന്, പാസ്പോര്ട്ട്, വീസ, പെര്മിറ്റ്, രാജ്യാന്തര ഡ്രൈവിംഗ് ലൈസന്സ് എന്നിവ ഉണ്ടെങ്കില് ഇവിടെ സുഗമമായി പ്രവേശിക്കാം,
സാധാരണയായി അവധിക്കാല കേന്ദ്രങ്ങളില് ഇന്ത്യക്കാര് തെരഞ്ഞെടുക്കുന്ന മറ്റൊരു ചെറിയ ദ്വീപ് രാജ്യമാണ് 'ലയണ് സിറ്റി ഓഫ് ഏഷ്യ' എന്ന സിംഗപ്പൂര്. ഭക്ഷണം, സംസ്കാരം, വാസ്തുവിദ്യ എന്നിവയ്ക്ക് പേരുകേട്ടതാണ് ഈ രാജ്യാന്തര ലക്ഷ്യസ്ഥാനം. മാത്രമല്ല, മനോഹരമായ ഡിസൈനുകളുള്ള ഉയര്ന്ന കെട്ടിടങ്ങളും ഇവിടുത്തെ പ്രത്യേകതയാണ്. ഡല്ഹി-മ്യാന്മര്-തായ്ലന്ഡ് ഹൈവേ വഴി മനോഹരമായ ഈ ദ്വീപ് രാഷ്ട്രത്തിലേക്ക് യാത്രചെയ്യാം.
ഇനി നേപ്പാള്, ഏത് സമയത്തും നിങ്ങളുടെ വാഹനത്തില് നേപ്പാളിലേക്ക് പ്രവേശിക്കാം. പാസ്പോര്ട്ടോ ഫോട്ടോ പതിച്ച തിരിച്ചറിയല് രേഖയോ കയ്യിലുണ്ടെങ്കില്, യാതൊരു തടസങ്ങളുമില്ലാതെ സന്ദര്ശിക്കാന് കഴിയുന്ന രാജ്യമാണിത്. ഗോരഖ്പൂരില് നിന്ന് 185 കിലോമീറ്റര് അകലെയുള്ള ഉത്തര്പ്രദേശിലെ സുനൗലി അതിര്ത്തിയാണ് ഏറ്റവും പ്രശസ്തമായ ലാന്ഡ് ബോര്ഡര് ക്രോസിങ്. 30 മിനിറ്റിനുള്ളില്, എല്ലാ നടപടിക്രമങ്ങളും ഇവിടെ പൂര്ത്തിയാക്കാന് കഴിയും. നേപ്പാളില് നിന്ന് നിങ്ങള്ക്ക് ചൈനയില് പ്രവേശിച്ച് മിഡില് ഈസ്റ്റ്, റഷ്യ, യൂറോപ്പ് എന്നിവിടങ്ങളിലേക്കും പോകാം.
അടുത്തത് മലേഷ്യയാണ് മലേഷ്യയിലേക്ക് സാധാരണ വിമാനത്തിലാണ് ഇന്ത്യക്കാര് യാത്ര ചെയ്യുന്നത് ഇനി സ്വന്തം വാഹനത്തില് റോഡ് മാര്ഗം പോകാം. ഡല്ഹിയില് നിന്നും ഏകദേശം 5576 കിലോമീറ്റര് യാത്ര ചെയ്ത് വേണം മലേഷ്യയില് എത്തിചേരാന്. പാസ്പോര്ട്ട്, വീസ, നിങ്ങളുടെ വാഹനത്തിനുള്ള കാര്നെറ്റ്, രാജ്യാന്തര ഡ്രൈവിംഗ് പെര്മിറ്റ്, നിങ്ങളുടെ വാഹനത്തിന്റെ മറ്റ് അടിസ്ഥാന രേഖകള്. അസൗകര്യം ഒഴിവാക്കാന് നിങ്ങള്ക്ക് ഇ-വിസയ്ക്ക് അപേക്ഷിക്കാം, പക്ഷേ ഇത് ഒറ്റ പ്രവേശനത്തിന് മാത്രം ബാധകമാണ്.
ഭൂട്ടാന്, ഭൂട്ടാനിലേക്ക് പ്രവേശിക്കാന് നേപ്പാളിനെപ്പോലെ ഇന്ത്യന് പൗരന്മാര്ക്ക് വീസ നിലവില് ആവശ്യമില്ല. എന്നാല് ഈ വര്ഷം ജൂലൈ മുതല് ഇതിന് പ്രത്യേക ഫീസും ഈടാക്കാന് ഭൂട്ടാന് സര്ക്കാര് തീരുമാനിച്ചിട്ടുണ്ട്. ഇന്ത്യയില് റജിസ്റ്റര് ചെയ്ത നിങ്ങളുടെ സ്വന്തം വാഹനമാണ് യാത്രയ്ക്ക് ഉപയോഗിക്കുന്നതെങ്കില് അതിര്ത്തിയില് മുന്കൂട്ടി റജിസ്റ്റര് ചെയ്യണം. ഫണ്ട്ഷോളിംഗ് അതിര്ത്തിയിലെ ഇമിഗ്രേഷന് പോസ്റ്റിലും വാഹന റജിസ്ട്രേഷനായി ഗതാഗത വകുപ്പിലും ഇത് ചെയ്യാം. പാസ്പോര്ട്ട് / വോട്ടര് ഐഡി / ആധാര് കാര്ഡ് എന്നിവ കരുതണം. ഡ്രൈവിംഗ് ലൈസന്സ് ഒരു ഐഡി അല്ലെങ്കില് വിലാസ തെളിവായി ഇവിടെ സ്വീകരിക്കുന്നില്ല.
ബംഗ്ലാദേശ്, ഇന്ത്യയില് നിന്ന് ബംഗ്ലാദേശിലേക്ക് പ്രവേശിക്കാന് ഒരു 'കാര്നെറ്റ്' എടുക്കണം. കാര്നെറ്റ്, വീസ എന്നിവ ഒഴികെയുള്ള മറ്റ് പ്രത്യേക അനുമതികള്ക്കോ?പെര്മിറ്റുകള്ക്കോ നിങ്ങള് അപേക്ഷിക്കേണ്ടതില്ല. പെട്രാപോള്-ബെനാപോള് അതിര്ത്തിയില് നിന്ന് സന്ദര്ശകര്ക്ക് ബംഗ്ലാദേശിലേക്ക് പ്രവേശിക്കാം. ഹോട്ടല് ബുക്കിംഗും ടൂര് ആസൂത്രണവും പരിപാലിക്കാന് നിങ്ങള്ക്ക് ഏത് ട്രാവല് കമ്പനിയെയും ബന്ധപ്പെടാം. ഗൈഡ് നിര്ബന്ധമല്ലെങ്കിലും ഉണ്ടെങ്കില് ഉചിതമാണ്. സാധുവായ പാസ്പോര്ട്ട്, വീസ, വാഹന രേഖകള്, ആസൂത്രിത യാത്ര, കാര്നെറ്റ്, മൂന്നാം കക്ഷി വാഹന ഇന്ഷുറന്സ് എന്നിവ കയ്യില് ഉണ്ടായിരിക്കണം.
തായ്ലന്ഡ്, ഇന്ത്യയില് നിന്ന് തായ്ലന്ഡിലേക്ക് പുതുതായി തുറന്ന ഹൈവേ വഴി സ്വന്തം വാഹനങ്ങളില് യാത്ര ചെയ്യാം. ഇപ്പോള് തായ്ലന്ഡില് എത്താന് രണ്ട് റൂട്ടുകളുണ്ട്. ഏഷ്യന് സൂപ്പര്ഹൈവേ റൂട്ട് 1, ഇത് മോറെ, കൊഹിമ, ഇംഫാല് തുടങ്ങിയ നഗരങ്ങളില് പ്രവേശിക്കാനാകും. മറ്റൊന്ന് ന്യൂഡല്ഹിയില് നിന്ന് കാണ്പൂര്, കൊല്ക്കത്ത, സിംഹ, ഷെര്ലോക്, ദിമാപൂര്, വഴി പോകുന്നതാണ്. ഇതിന് നിങ്ങള്ക്ക് കുറഞ്ഞത് 6 മാസത്തെ സാധുതയുള്ള പാസ്പോര്ട്ടും വീസയും ആവശ്യമാണ്. യാത്ര ആരംഭിക്കുന്നതിന് മുമ്പ് വാഹനവുമായി ബന്ധപ്പെട്ട എല്ലാ ഡോക്യുമെന്റേഷനുകളും ശരിയാണെന്ന് ഉറപ്പാക്കുക. നാലോ അതിലധികമോ ആളുകള് യാത്രയ്ക്ക് ഉണ്ടാകണം. ഇത് രാജ്യത്തെ നിയമമാണ്. ബാങ്കോക്ക്, പട്ടായ, കോ സാമുയി, ചിയാങ് മായ്, ഹുവ ഹിന് ജില്ല എന്നിവയാണ് തായ്ലന്ഡില് സന്ദര്ശിക്കേണ്ട സ്ഥലങ്ങള്. കോബാള്ട്ട് ബീച്ചും മികച്ച ഭക്ഷണവുമുള്ള തായ്ലന്ഡ് രാജ്യം നിങ്ങളെ സ്വാഗതം ചെയ്യും. ഡല്ഹിയില് നിന്ന് തായ്ന്ഡിലേക്ക് ഏകദേശം 4198 കിലോമീറ്റര് ദൂരമുണ്ട്.
https://www.facebook.com/Malayalivartha
