പ്രവാസി മലയാളികള്ക്ക് ആശ്വാസമായി നോര്ക്ക ഫെയര്... കുവൈത്ത് എയര്വേയ്സില് ഇനി പ്രവാസി മലയാളികള്ക്ക് യാത്രാനിരക്കില് ഏഴ് ശതമാനം ഇളവ്
പ്രവാസി മലയാളികള്ക്ക് ആശ്വാസമായി കുവൈറ്റ് എയര്വേയ്സില് നോര്ക്ക ഫെയര് നിലവില് വന്നു. നോര്ക്ക റൂട്ട്സും കുവൈത്ത് എയര്വേയ്സുമായി ഇത് സംബന്ധിച്ച് സംസ്ഥാന സര്ക്കാര് ധാരണയായി. നോര്ക്ക ചീഫ് എക്സിക്യൂട്ടീവ് ഓഫീസറും കുവൈത്ത് എയര്വേയ്സ് സെയില്സ് മാനേജറും തമ്മില് ചേമ്ബറില് വച്ച് ധാരണാപത്രം ഒപ്പ് വച്ചുവെന്ന് മുഖ്യമന്ത്രി പിണറായി വിജയന് അറിയിച്ചു. ഗള്ഫ് മേഖലയിലുള്ള പ്രവാസി മലയാളികള്ക്ക് ഇത് വലിയൊരു ആശ്വാസമാകുമെന്നും അദ്ദേഹം പറഞ്ഞു.
ധാരണയുടെ അടിസ്ഥാനത്തില് കുവൈത്ത് എയര്വേയ്സില് യാത്ര ചെയ്യുന്ന പ്രവാസി മലയാളികള്ക്ക് അടിസ്ഥാന യാത്രാനിരക്കില് 7% ഇളവ് ലഭിക്കും. നോര്ക്ക ഫെയര് എന്നറിയപ്പെടുന്ന ഈ ആനുകൂല്യത്തിന് നോര്ക്ക ഐഡി കാര്ഡുള്ള പ്രവാസിക്കും ജീവിതപങ്കാളിക്കും 18 വയസ്സില് താഴെയുള്ള കുട്ടികള്ക്കും പ്രസ്തുത ഇളവ് ലഭിക്കും. നാടിന്റെ സമ്ബദ്ഘടനയുടെ നട്ടെല്ലായ പ്രവാസികള്ക്ക് കാലാകാലങ്ങളായി ഉയര്ന്ന യാത്രാനിരക്ക് മൂലമുള്ള ബുദ്ധിമുട്ടിന് ഒരു പരിധി വരെ നോര്ക്ക ഫെയര് ആശ്വാസകരമാകും. നോര്ക്ക റൂട്ട്സ് ഐഡി കാര്ഡുടമകള്ക്ക് ഈ പ്രത്യേക ആനുകൂല്യം ഫെബ്രുവരി 20 മുതല് ലഭിക്കും.
https://www.facebook.com/Malayalivartha
