കുവൈത്തില്‍ ഒന്നരവര്‍ഷമായി ജോലിയില്ലാതെ അലഞ്ഞവര്‍ പൊതുമാപ്പ് പ്രയോജനപ്പെടുത്തിയതോടെ പിടിയിലായത് വീസാത്തട്ടിപ്പ് വിരുതന്മാര്‍. വീസക്കച്ചവടവുമായി ബന്ധപ്പെട്ട് മൂന്നു പേരെയാണ് അറസ്റ്റ് ചെയ്തത്. സ്വദേശി, ബിദൂന്‍, അറബ് വംശജന്‍ എന്നിവരാണ് പിടിയിലായത്. പൊതുമാപ്പ് പ്രയോജനപ്പെടുത്താന്‍ എത്തിയ മൂന്നു പേരെ ചോദ്യം ചെയ്തതില്‍നിന്നാണ് അവര്‍ക്ക് വീസ നല്‍കിയവരെ സംബന്ധിച്ച് സൂചന ലഭിച്ചത്.

കാര്‍ റെന്റല്‍ കമ്ബനിയുടെ പേരില്‍ വീസ നല്‍കി 16 പേരെയാണ് ഇവര്‍ കുവൈത്തില്‍ എത്തിച്ചത്. 1500 മുതല്‍ 1700 ദിനാര്‍ വരെ ഈടാക്കിയായിരുന്നു വീസക്കച്ചവടം. ഫ്രീ വീസ എന്ന് പറഞ്ഞായിരുന്നു ഇവര്‍ ആളുകളെ കൊണ്ടുവന്നത്. പുറമെ ജോലി നോക്കണമെന്നായിരുന്നു അവര്‍ക്കുള്ള നിര്‍ദേശം.
ഒന്നരവര്‍ഷം മുന്‍പ് കുവൈത്തില്‍ എത്തിയവര്‍ക്ക് ജോലിയും നല്‍കിയില്ല, ഒരു വര്‍ഷം തികഞ്ഞപ്പോള്‍ ഇഖാമ പുതുക്കിക്കൊടുത്തതുമില്ല. ഇഖാമ കാലവധി തീര്‍ന്നതിനെ തുടര്‍ന്ന് പൊതുമാപ്പ് പ്രയോജനപ്പെടുത്തുകയായിരുന്നു അവര്‍.