ഖത്തറില് കനത്ത കാറ്റില് നിര്ത്തിയിട്ട വിമാനം നിരങ്ങിനീങ്ങി മറ്റൊന്നില് ഇടിച്ചുനിന്നു; വിമാനത്താവള പ്രവര്ത്തനം താല്ക്കാലികമായി നിര്ത്തിവച്ചു
02 MAY 2020 07:13 PM IST
മലയാളി വാര്ത്ത
ഖത്തറില് കഴിഞ്ഞ ദിവസമുണ്ടായ ശക്തമായ കാറ്റില് ഹമദ് രാജ്യാന്തര വിമാനത്താവളത്തില് രണ്ട് വിമാനങ്ങള് കൂട്ടിയിടിച്ചു. കാറ്റില് വിമാനത്താവള പ്രവര്ത്തനം താല്ക്കാലികമായി നിര്ത്തിവെച്ചതായും ഖത്തര് എയര്വേയ്സ് അറിയിച്ചു. നിര്ത്തിയിട്ടിരുന്ന ഒരു വിമാനം 70 നോട്ടിക്കല് മൈല് വേഗതയുള്ള ശക്തമായ കാറ്റില് തനിയെ നിരങ്ങിനീങ്ങി മറ്റൊന്നില് ഇടിക്കുകയായിരുന്നു. ഖത്തര് എയര്വേയ്സിന്റെ 787800 വിമാനവും ക്യുആര് എ350900 വിമാനവും തമ്മിലാണ് കൂട്ടിയിടിച്ചതെന്ന് അധികൃതര് അറിയിച്ചു. പാര്ക്ക് ചെയ്തിരുന്ന ബോയിങ് 787800 വിമാനം ചോക്ക്സില് നിന്നും കാറ്റിനെ തുടര്ന്ന് തെന്നിനീങ്ങുകയായിരുന്നു. കൂട്ടിയിടിക്കപ്പെട്ട വിമാനങ്ങളില് യാത്രക്കാരോ കാബിന് ക്രൂ അംഗങ്ങളോ ഉണ്ടായിരുന്നില്ല. ഇടിയുടെ ആഘാതത്തില്വിമാനങ്ങള്ക്ക് ചെറിയ കേടുപാടുകള് സംഭവിച്ചിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
