കുവൈത്തില്‍ 332 ഇന്ത്യക്കാര്‍ ഉള്‍പ്പെടെ 1073 പേര്‍ക്ക് പുതുതായി കോവിഡ് സ്ഥിരീകരിച്ചു. ആകെ കൊറോണ വൈറസ് ബാധയേറ്റവരുടെ എണ്ണം 16764 ആയി. ഇവരില്‍ 5406 പേര്‍ ഇന്ത്യാക്കാരാണ്. കോവിഡ് ബാധയെ തുടര്‍ന്ന് ഇന്ന് 3 പേര്‍ കൂടി മരിച്ചു. ഇതോടെ രാജ്യത്ത് കൊറോണ വൈറസ് ബാധയെ തുടര്‍ന്ന് മരണമടഞ്ഞവരുടെ എണ്ണം 121 ആയി. ഇന്ന് രോഗ ബാധ സ്ഥിരീകരിക്കപ്പെട്ടവര്‍ സമ്ബര്‍ക്കം വഴിയും ഉറവിടം അന്വേഷണത്തിലുള്ള വിഭാഗത്തില്‍ പെട്ടവരാണ്. ഇന്ന് രോഗ ബാധിതരായവരുടെ ആരോഗ്യ മേഖല തിരിച്ചുള്ള കണക്കുകള്‍ ഇപ്രകാരമാണ്. ഫര്‍വ്വാനിയ 397, അഹമദി 258, ഹവല്ലി 181, കേപിറ്റല്‍ 113, ജഹറ 124. രോഗ ബാധ സ്ഥിരീകരിക്കപ്പെട്ടവരുടെ താമസ കേന്ദ്രങ്ങള്‍ അടിസ്ഥാനമാക്കിയുള്ള കണക്ക് പ്രകാരം ഫര്‍വ്വാനിയയില്‍ 131 പേര്‍ക്കും ജിലീബില്‍ 77 പേര്‍ക്കും ഹവല്ലിയില്‍ നിന്ന് 55 പേര്‍ക്കും ഖൗത്താനില്‍ നിന്ന് 76 പേര്‍ക്കുമാണ് രോഗ ബാധ റിപ്പോര്‍ട്ട് ചെയ്യപ്പെട്ടത്.