കുട്ടിക്കുറുമ്പുകള്‍ ആരുടേയും മനംകവരും. അത്തരമൊരു കുഞ്ഞിക്കുറുമ്പിന്റെ പഴയ വീഡിയോയാണിപ്പോള്‍ സമൂഹമാധ്യമങ്ങളില്‍ വീണ്ടും വൈറലാകുന്നത്.

ചെറിയയൊരു ജാറില്‍ കൈ കുടുങ്ങിയത് പോലെ അഭിനയിച്ച് കുഞ്ഞ് നിലവിളിക്കുന്നു. രക്ഷിക്കാനായി ആളെത്തി കൈ എടുത്തുമാറ്റുമ്പോള്‍ പൊട്ടിചിരിക്കുകയാണ് കുട്ടി. മാതാപിതാക്കളെ കബിളിപ്പിക്കാന്‍ ശ്രമിക്കുന്ന ഈ കുരുന്നാണ് സമൂഹമാധ്യമങ്ങളില്‍ വീണ്ടും ശ്രദ്ധനേടുന്നത്.

21,000-ലധികം ആള്‍ക്കാരാണ് ബാക്ക് ടു നേച്ചറെന്ന ട്വിറ്റര്‍ അക്കൗണ്ടില്‍ പങ്കുവെച്ച വീഡിയോ കണ്ടുകഴിഞ്ഞത്. എല്ലാവരേയും പറ്റിക്കുകയെന്ന ലക്ഷ്യത്തോടെ ഈ കുട്ടിക്കുറുമ്പി കാണിച്ച അഭിനയം ഓസ്‌കാര്‍ അര്‍ഹിക്കുന്നതാണെന്നാണ് വീഡിയോയ്ക്ക് താഴെ നിറയുന്ന കമന്റുകളിലേറെയും.