ഐ.പി.എല്‍. ക്രിക്കറ്റ് ഫൈനല്‍ കാണാന്‍ മോഹന്‍ലാലും
ഐ.പി.എല്‍. ക്രിക്കറ്റ് ഫൈനല്‍ കാണാന്‍ നടന്‍ മോഹന്‍ലാലും എത്തി. ടോസിനു പിന്നാലെയാണ് ക്യാമറക്കണ്ണുകള്‍ മോഹന്‍ ലാലിനെ കണ്ടുപിടിച്ചത്. പിന്നാലെ സാമൂഹിക മാധ്യമങ്ങളിലൂടെ ലാലിന്റെ നിരവധി ചിത്രങ്ങള്‍ പുറത്തു വന്നു.
കോവിഡ്-19 വൈറസ് മഹാമാരിയെത്തുടര്‍ന്ന് ഐ.പി.എല്‍. 13-ാമത് സീസണിലെ മുഴുവന്‍ മത്സരങ്ങളും കാണികളെ ഒഴിവാക്കിയാണ് നടത്തിയത്. ടീമുകളുടെ ഉടമകളും അവരുമായി അടുത്ത ബന്ധം പുലര്‍ത്തുന്നവരും ബി.സി.സി.ഐ. അധികൃതരും മാത്രമേ സ്റ്റേഡിയത്തിലെത്തിയിരുന്നുള്ളൂ.
ബോളിവുഡ് താരം ഷാരൂഖ് ഖാന്‍ കൊല്‍ക്കത്ത നൈറ്റ്റൈഡേഴ്സിന്റെ മത്സരങ്ങള്‍ കാണാന്‍ സ്റ്റേഡിയത്തിലെത്തിയിരുന്നു. ടീമിന്റെ സഹ ഉടമകളിലൊരാളെന്ന നിലയിലായിരുന്നു അദ്ദേഹമെത്തിയത്.
മോഹന്‍ ലാല്‍ ദുബായിലെത്തിയത് ദൃശ്യം 2-വിന്റെ ഷൂട്ടിങ് അവസാനിച്ചതിന് പിന്നാലെയായിരുന്നു. അദ്ദേഹം ഐ.പി.എല്‍. ഫൈനല്‍ കാണാനെത്തിയത് പക്ഷേ അപ്രതീക്ഷിതമായാണ്.
ഫൈനലിന് സെലിബ്രിറ്റികളുടെ സാന്നിധ്യമുണ്ടാവുമെന്നു കരുതിയില്ല. മലയാളിയായ ജയേഷ് ജോര്‍ജാണ് നിലവില്‍ ബി.സി.സി.ഐയുടെ ജോയിന്റ് സെക്രട്ടറി. ഫൈനലിനെത്തിയ ലാലിനൊപ്പമുള്ള ജയേഷ് ജോര്‍ജിന്റെ ചിത്രങ്ങള്‍ സാമൂഹിക മാധ്യമങ്ങളിലൂടെ പുറത്തുവന്നു.
https://www.facebook.com/Malayalivartha
