ഒരു സ്‌കൂട്ടര്‍ അപകടത്തിന്റെ വീഡിയോ ദൃശ്യം നവമാധ്യമങ്ങളില്‍ പ്രചരിക്കുന്നുണ്ട്. എന്നാല്‍ ഒരപകടത്തിന്റെ രംഗങ്ങളായിട്ട് പോലും അത് ആരെയും ഭയപ്പെടുത്തുന്നില്ല. പകരം ചിരിപ്പിക്കുകയാണ്. ചൈനയിലെ ജിയാങ്‌സു വില്‍ ഇക്കഴിഞ്ഞ 19-ന് നടന്ന അപകടത്തിന്റെ ദൃശ്യമാണ് ഫേസ്ബുക്കില്‍ പ്രചരിക്കുന്നത്. പീപ്പിള്‍സ് ഡെയ്‌ലി, ചൈനയാണ് ഈ വീഡിയോ പോസ്റ്റ് ചെയ്തിരിക്കുന്നത്.

ഒരു കുട്ടിയടക്കം മൂന്നു പേര്‍ സഞ്ചരിക്കുന്ന സ്‌കൂട്ടര്‍ നടുറോഡില്‍ പെട്ടെന്നാണ് തലകുത്തി മറിഞ്ഞത്. ഇവരുടെ മുകളിലൂടെ വീണ സ്‌കൂട്ടര്‍ അല്പം മാറിക്കിടന്നു. ഭാര്യയ്ക്കും കുട്ടിയ്ക്കും അപകടമൊന്നും പറ്റിയില്ലെന്ന് ഉറപ്പാക്കിയ ശേഷം ഗൃഹനാഥന്‍ സ്‌കൂട്ടര്‍ പിടിച്ച് ഉയര്‍ത്താന്‍ ശ്രമിച്ചു.

അപ്പോഴാണ് സ്‌കൂട്ടര്‍ ശരിക്കും പണി കൊടുത്തത്. യുവാവിനെയും കൊണ്ട് തനിയെ മുന്നോട്ട് നീങ്ങിയ സ്‌കൂട്ടര്‍ 360 ഡിഗ്രി വട്ടംതിരിഞ്ഞ് ഒരു സൈഡ് പറ്റി സ്‌കൂട്ടര്‍ പറന്നു. പിടിച്ചാല്‍ കിട്ടില്ലെന്ന് മനസ്സിലായതോടെ അയാള്‍ സ്‌കൂട്ടറില്‍ നിന്നുള്ള പിടിവിട്ടു. എവിടെയും ഇടിക്കാതെ മുന്നോട്ടുപാഞ്ഞ സ്‌കൂട്ടര്‍ കുറച്ചുദൂരം മുന്നോട്ടുനീങ്ങി മറ്റൊരു കാറില്‍ ഇടിച്ച് നില്‍ക്കുകയായിരുന്നു.