ഒരേ ടീമില്‍ കളിക്കുന്ന കൂട്ടുകാരന്റെ കാമുകിയെ ഉറങ്ങിക്കിടക്കുമ്പോള്‍ ബലാത്സംഗം ചെയ്ത ക്രിക്കറ്റ് താരത്തിന് അഞ്ചു വര്‍ഷം തടവുശിക്ഷ. ഇംഗഌിലെ വൂഴ്‌സെസ്റ്റര്‍ കൗണ്ടി ക്രിക്കറ്റ് ടീമിന്റെ മുന്‍ താരം അലക്‌സ് ഹേപ് ബേണാണ് കുറ്റക്കാരനാണെന്ന് കണ്ടെത്തിയിരിക്കുന്നത്. സഹതാരമായിരുന്ന ജോ കഌര്‍ക്കിന്റെ കാമുകിയെ ഉറക്കത്തിനിടയില്‍ ബലാത്സംഗം ചെയ്തു എന്നാണ് കുറ്റം.

2017 ല്‍ നടന്ന സംഭവത്തില്‍ ജോ കഌര്‍ക്കുമായി ലൈംഗികതയില്‍ ഏര്‍പ്പെട്ട ശേഷം തളര്‍ന്നു മയങ്ങുമ്പോള്‍ അവിടെയെത്തിയ ഹേപ്‌ബേണ്‍ യുവതിയെ ബലാത്സംഗത്തിന് ഇരയാക്കുകയായിരുന്നു. ഈ മാസം ആദ്യം വിചാരണ പൂര്‍ത്തിയായ ഹീയര്‍ഫോര്‍ഡ് ക്രൗണ്‍ കോടതിയാണ് 23 കാരനായ താരം കുറ്റക്കാരനാണെന്ന് കണ്ടെത്തിയത്. ഉറക്കത്തിനിടയില്‍ എതിര്‍പ്പ് പ്രകടിപ്പിക്കാതിരുന്നതിനാല്‍ സമ്മതമാണെന്ന് കരുതി എന്നാണ് ഹേപ്‌ബേണ്‍ തന്റെ പ്രവര്‍ത്തിയെ ന്യായീകരിച്ചത്. അതേസമയം തന്നെ ഉപയോഗിക്കുന്നത് കഌര്‍ക്കാണെന്ന് ആദ്യം കരുതിയ യുവതി ഹേപ്‌ബേണാണെന്ന് അറിഞ്ഞത് പിന്നീടാണ്. കണ്ണു തുറന്നപ്പോള്‍ ഹേപ്‌ബേണിനെ കണ്ടെത്തിയതോടെ യുവതി എതിര്‍ത്തു.

ഒരു നൈറ്റ് കഌില്‍ വെച്ചായിരുന്നു കഌര്‍ക്കും യുവതിയും പരിചയപ്പെട്ടത്. പിന്നീട് കഌര്‍ക്കിന്റെ ഫഌറ്റില്‍ യുവതിയുമായി ലൈംഗിക ബന്ധത്തില്‍ ഏര്‍പ്പെടുകയും ചെയ്തു. ഇതിന് ശേഷം കഌര്‍ക്ക് ബാത്ത്‌റൂമില്‍ പോയപ്പോഴായിരുന്നു ഹേപ്‌ബേണ്‍ വന്നത്. മദ്യലഹരിയിലായിരുന്ന ഹേപ്‌ബേണ്‍ മുറിയില്‍ ഒരു യുവതി കിടന്ന് ഉറങ്ങുന്നത് കണ്ട് അവസരമായി കാണുകയായിരുന്നു. 

ഈ സംഭവത്തിന് ഒരാഴ്ച മുമ്പ് വരെ വാട്‌സ് ആപ്പ് ഗ്രൂപ്പില്‍ പെടുന്ന അനേകം യുവതികളെ തങ്ങള്‍ പങ്കു വെച്ചിരുന്നതായി ഹേപ്‌ബേണ്‍ പറഞ്ഞു. ഉറങ്ങുമ്പോള്‍ ശാരീരിക ബന്ധത്തില്‍ ഏര്‍പ്പെടുന്നത് കഌര്‍ക്കാണെന്ന ധാരണയില്‍ കിടന്ന യുവതി ഹേപ്‌ബേണിന്റെ സംസാരത്തിലെ ഓസ്‌ട്രേലിയന്‍ സഌംഗ് കേട്ടാണ് കണ്ണു തുറന്നതും ഹേപ്‌ബേണിനെ കണ്ടതും. സംഭവം ഇപ്പോഴും തന്നെ വേട്ടയാടുകയാണെന്നും തന്റെ ബന്ധം തന്നെ തകര്‍ത്തു കളഞ്ഞെന്നും കാമുകന്‍ പോലും ഉപേക്ഷിച്ച് പോയെന്നുമാണ് യുവതി കോടതിയില്‍ പറഞ്ഞത്.