ലോക ടെസ്റ്റ് ചാമ്പ്യന്‍ഷിപ് ഫൈനലില്‍ ന്യൂസിലന്‍ഡിനെതിരായ കളിക്കുന്ന ഇന്‍ഡ്യന്‍ നായകന്‍ വിരാട് കോഹ്ലിക്ക് മറ്റൊരു പൊന്‍തൂവല്‍. ടെസ്റ്റ് ക്രികെറ്റില്‍ അതിവേഗം 7500 റണ്‍സ് നേടുന്ന നാലാമത്തെ ഇന്‍ഡ്യന്‍ ബാറ്റ്‌സ്മാനായി വിരാട്.


154-ാം ഇന്നിംഗ്സിലാണ് താരം 7500 റണ്‍സ് സ്വന്തമാക്കിയത്. 154 ഇന്നിംഗ്സില്‍ സുനില്‍ ഗാവസ്‌കറും 7500 എന്ന നേട്ടം സ്വന്തമാക്കിയിരുന്നു. ഇതിഹാസ താരം സചിന്‍ ടെന്‍ഡുല്‍കറാണ് ഒന്നാം സ്ഥാനത്ത്.

താരം 144-ാം ഇന്നിംഗ്സില്‍ 7500 റണ്‍സ് തികച്ചിരുന്നു. വീരേന്ദര്‍ സെവാഗ്, രാഹുല്‍ ദ്രാവിഡ് എന്നിവര്‍ രണ്ടും മൂന്നും സ്ഥാനത്ത്. ടെസ്റ്റ് ക്യാപ്റ്റന്‍സിയിലും വിരാട് കോഹ്ലി റെകോര്‍ഡിട്ടിരുന്നു. ഏറ്റവും കൂടുതല്‍ ടെസ്റ്റ് മത്സരങ്ങളില്‍ നായക പദവി അലങ്കരിച്ച ഏഷ്യന്‍ താരമെന്ന നേട്ടമാണ് കോഹ്ലി സ്വ്വന്തമാക്കിയത്.

നായകനായി കോഹ്ലി 61-ാം ടെസ്റ്റിനാണ് ഇറങ്ങിയത്. 60 ടെസ്റ്റില്‍ നായകനായ മുന്‍ ഇന്‍ഡ്യന്‍ താരം എം എസ് ധോണിയുടെ റെകോര്‍ഡ് മറികടന്നത്. പട്ടികയില്‍ മൂന്നാം സ്ഥാനത്തുള്ളത് ടെസ്റ്റില്‍ 56 മത്സരങ്ങളില്‍ വീതം നായകനായിട്ടുള്ള ശലങ്കയുടെ അര്‍ജുന രണതുംഗയും പാകിസ്ഥാന്റെ മിസ്ബ ഉള്‍ ഹഖുമാണ്.