ഏറ്റവുമധികം ഏകദിനം തോറ്റ റെക്കോര്ഡ് ഇനി ശ്രീലങ്കക്ക്, മറികടന്നത് ഇന്ത്യയെ!! പാകിസ്താനാണ് ഇക്കാര്യത്തില് മൂന്നാം സ്ഥാനത്തിൽ നിൽക്കുന്നത്
കഴിഞ്ഞ ഏതാനും വര്ഷങ്ങളായി മോശം പ്രകടനം തുടരുന്ന ശ്രീലങ്കക്ക് നാണക്കേടിന്റെ പുതിയ റെക്കോര്ഡ് കൂടി. ഇംഗ്ലണ്ടിനെതിരെ വ്യാഴാഴ്ച നടന്ന മത്സരത്തില് പരാജയപ്പെട്ടതോടെ ഏകദിന ചരിത്രത്തില് ഏറ്റവുമധികം മത്സരം തോറ്റ ടീമെന്ന റെക്കോര്ഡ് ശ്രീലങ്ക സ്വന്തമാക്കി. 428ാമത് തോല്വിയോടെ 427 എണ്ണത്തിന്റെ റെക്കോര്ഡ് ഉണ്ടായിരുന്ന ഇന്ത്യയെ ആണ് മറികടന്നത്.
859 ഏകദിനങ്ങളില് കളിച്ച ശ്രീലങ്കക്ക് 390 വിജയവും 428 തോല്വിയുമാണുള്ളത്. അഞ്ച് മത്സരങ്ങള് ടൈ ആയപ്പോള് 37 മത്സരങ്ങള് ഫലമില്ലാതെയായി. ഇന്ത്യക്ക് 426 തോല്വികളുണ്ടെങ്കിലും 933 മത്സരങ്ങള് കളിച്ചിട്ടുണ്ട്. ശ്രീലങ്കയുടെ വിജയശരാശരി47.74 ആണെങ്കില് ഇന്ത്യയുടേത് 54.67ആണ്.
ഇന്ത്യ 516 വിജയം സ്വന്തമാക്കിയപ്പോള് ഒന്പത് മത്സരം ടൈയില് കലാശിച്ചു. 414 ഏകദിന തോല്വികളുള്ള പാകിസ്താനാണ് ഇക്കാര്യത്തില് മൂന്നാമത്. 933 മത്സരങ്ങളില് നിന്നും 490 വിജയമാണ് പാകിസ്താനുള്ളത്. ഒന്പത് മത്സരങ്ങള് ടൈ ആയ പാകിസ്താന്റെ വിജയ ശരാശരി 54.16 ആണ്.
828 ഏകദിനങ്ങളില് നിന്നും 384 തോല്വിയുള്ള വെസ്റ്റ് ഇന്ഡീസാണ് നാലാമത്. 404 വിജയമുള്ള വെസ്റ്റ് ഇന്ഡീസിന്റെ വിജയ ശരാശരി 51.25 ആണ്. 63.77 വിജയ ശരാശരിയുള്ള ദക്ഷിണാഫ്രിക്കയാണ് ശതമാനക്കണക്കില് മുന്നില്. എന്നാല് ദക്ഷിണാഫ്രിക്കക്ക് ഇതുവരെയും ലോകകപ്പ് ജയിക്കാനായില്ലെന്നത് മറ്റൊരു കൗതുകമാണ്.
https://www.facebook.com/Malayalivartha